Isithunywa somthethwandaba namhlanje siphenduke emuzini kaMnu. Morgan Tsvangirai lemahofisini ebandla lakhe ele MDC-T silengise izandla ngemva kokuzama ukuthatha impahla yakhe phezu kwesikwelede sezisebenzi ezaxotshwa umsebenzi.
Isithunywa lesi sibikwa besikhatshwe ngamapholisa kade ehlome ngemibhobho. Kubikwa njalo bekulentathelizindaba zamaphephndaba lemisakazo kahulumende.
Abasuka kubandla leli bakhokhelwa nguMnu. Toendepi Shone balitshumi lasithupha. Ekuqaleni kodaba lolu abantu laba babemelwa ligqwetha, uMnu. Wilson Manase walile ukukhuluma ngaloludaba esithi kasabameli.
UShonhe labanye bakhe basuka ebandleni le MDC-T labanye ababumba ixakela elithiwa MDC-T Renewal.
Ommela ibandla leMDC-T kuloludaba ngunobhala jikelele webandla, uMnu. Douglas Mwanzora othi bazakhweza udaba lolu emthethwandaba bekhalaza ngokudelelwa okwenziwe yisithunywa somthethwandaba.
UChris Gande weStudio Seven uxoxe lomsekeli wesikhulumeli sebandla leli, uNkosazana Thabitha Khumalo ukuze sizwe okunengi ngaloludaba.
