amalinks wokungena

Breaking News

Isivulwe Okusethethweni Imidlalo ye2020 Summer Olympics


Actors perform during the opening ceremony at the Olympic Stadium at the 2020 Summer Olympics, Friday, July 23, 2021, in Tokyo. (AP Photo/Morry Gash)
Actors perform during the opening ceremony at the Olympic Stadium at the 2020 Summer Olympics, Friday, July 23, 2021, in Tokyo. (AP Photo/Morry Gash)

Imidlalo yomncintiswano wamazwe womhlaba owawumele wenziwe ngomnyaka odluleyo ka2020 eyeSummer Olympics ivulwe okusemthethweni namhla emini elizweni lase Japan.

Ele Zimbabwe limelwe ngabadlali abahlanu kulimidlalo, eyayimele iqhutshwe nyakenye kodwa yacina idluliselwe phambili ngenxa yokuqhamuka kobhubhane lwe Covid – 19.

Imigoqo ekhona kulezinsuku elawula ukuhamba kwabantu besiya kwamanye amazwe idale ukuba abanye abadlali bengenelisi ukuyaphatheka kumaOlypmics yikho nje iZimbabwe ithumele ihlekana labadlali lonyaka.

Intathelizindaba yezemidlalo uFortune Mbele uthi akala themba lokuba iZimbabwe izathola imendulo kulimidlalo ngemva kokuthumela abadlali abalutshwane.

“Khona kuhle ukuthi bakhona abazasimela khonale kwele Japan kuma Olympics kodwa imidlalo esizaphatheka kuyo ngibona angathi sizivakatshele nje siphelekezele abanye. Kuqakathekile kodwa ukuyancintisana labanye abadlali abamanye amazwe aphezulu,” kutsho uMbele.

Owayengumqeqetshi weqembu labesifazane elimela ilizwe emdlalweni wenguqu elama Mighty Warriors, lize liyedlala kuma Olympics aqhutshelwa kwele Brazil ngomnyaka ka 2016, uShadrack Mlauzi, ukhuthaze abadlali abamele ilizwe le Zimbabwe ukuba babe lokuzithemba.

“Ngithi kulabo abamele ilizwe njengamanje eTokyo emidlalweni ye Olympics, akukho lula kulimidlalo ngakho kuqakathekile ukuthi bezilungiselele kakhulukazi ingqondo. Kungoba badlala labadlali abasuka emazweni atshiyeneyo amanye akhona ami kuhle kwezomnotho okokuthi bathole konke abakade bekudinga ngesikhathi belungiselela limidlalo. Okuqakathekileyo kakhulu yikuthi bezithembe, baqine kakhulukazi ingqondo. Okunengi kuyalunga ngokwezethemba ikakhulu nxa labo belungiselele ngendlela,” kutsho uMlauzi.

Obhukutshayo oDonata Katai kanye logwedlayo uPurcell Gilpin yibo abetheswe inkatha eyokuphakamisa iflegi yelizwe ngesikhathi kuvulwa imidlalo okusemthethweni.

UKatai, oleminyaka elitshumi lesikhombisa eyokuzalwa, ube ngumdlali wakuqala onsundu obhukutshayo ukuyamela iZimbabwe kumidlalo ye Olympics.

Wona umkhosi owokuvulwa okusemthethweni kwemidlalo ye 2020 Summer Olympics ubungafani loweminyakeni eminye ngoba kuvunyelwe abantu abalutshwane ukuba bephatheke kuwo njengendlela yokuvikela ukumemetheka komkhuhlane we Covid – 19.

Abanye abadlali abakuqembu elimela iZimbabwe ngababalisa uPeter Wetzlar - laye obhukutshayo, uNgoni Makusha ogijimayo kanye lo Scott Vincent odlala umdlalo we golf.

XS
SM
MD
LG