amalinks wokungena

Breaking News

Kulotshwa Isivumelwano Sokupha iZimbabwe Uncedo Olubiza $1,6billion


Ukulotshwa kwesivumelwano sokunceda eleZimbabwe phansi kohlelo lweZUNDAF

Inhlangothi zenhlanganiso yomanyano wamazwe womhlaba oweUnited Nations eZimbabwe, zitholisa ilizwe uncedo lwamadollar edlula ibillion lengxenye-$1,6billion, ezasetshenziswa emisebenzini yentuthuko phansi kohlelo lweminyaka emine lwe 2016 – 2020 Zimbabwe United Development Assistance Framework – ZUNDAF.

Ngasikhathi sinye, uhulumende uthi liyemukeleka lelonyathelo eselilandelwa yilezinhlanganiso,ukuba kube yimali ezakusetshenziswa kuntuthuko hatshi usizo nje,njalo isngezanikezwa kuhulumende ngokwakhe hatshi njengalokho obekusenzakala ngesikhathi sikahulumende womanyano,ethi kuyinto ezakuphathisa ekuqhubeni imisebenzi yentuthuko ngaphansi kohlelo lukahulumende lwe Zimbabwe Agenda for Sustainable Socio-Economic Transformation (ZimAsset).

Emkhosini wokulobelana isivumelwano salolu hlelo, owenzelwe eweteleni ye Meikles, ummeli walumanyano eZimbabwe, umnumzana Bishow Parajuli uthi lubuthaniswe kanzima lolu sizo ngoba zizinengi inkinga kwamanye amazwe womhlaba kungakho uhulumende waleli lizwe kumele aluqakathekise, alusebenzise ngokwaneleyo ekuthuthukiseni impilo kazulu weZimbabwe.

Oze emmele uhulumende weZimbabwe, unobhala omkhulu ehofisini kamongameli ledaleni labaphathintambo, u Dr Misheck Sibanda uncome inguquko esikhona, inhlanganiso lezi seziqondisa usizo kuhulumende hatshi lokho obekusenzakala.

Unkosikazi Sithabile Banda osebenza njengomncedisi ka Dr Sibanda, laye ethu balwemukela ngenjabulo uncedo oluvele kwabe UN. Wengeza uBanda ethi, le imali ezaphathisa ekuqhubeni uhlelo lokuthuthukisa umnotho welizwe olwe ZIMASSET.

Zingamatshumi amabili lanhlanu inhlangothi eziphansi kweUnited Nations, ezilobe lesi sivumelwano eseZUNDAF.

Lolu sizo lukhangelelwe ukuqondiswa ekuthuthukiseni inhlangothi eziyisithupha, eziyizo ezibikwa ziqakathekile. Lezi ngezigoqela ezokutholisa ukudla, ukulinganiswa kwamathuba phakathi kwabesilisa labesifazane, okuphathelene lezegciwane lomkhuhlane wengculaza, ukuqedwa kobuyanga kanye lokulungiswa kwempahla.

Uhulumende uthi ulethemba lokuba linguquko yalapho okuqondiswa khona uncedo, kuyisibonelo sokuba sekubuyelwa kundlela ebivele isetshenziswa ekuqaleni, ubudlelwano bungakaphazamiseki ethi uyakholwa ukuba lokhu kuzakwenza ezinye inhlanganiso zilandele isibonelo seUN.

Linguquko iza ngemva kokuba abe European Union, ngenyanga kaLwezi, besuse amagama abo bonke ababekelwa izijeziso zomnotho ngaphandle kukamongameli Robert Mugabe, unkosikazi wakhe kanye lenkampani yebutho elungisa izikhali eye Zimbabwe Defence Industries – ZDI.

XS
SM
MD
LG