amalinks wokungena

Breaking News

Isivuno Segwayi Salonyaka Sesiqalisile Ukuthengiswa eHarare


Isivuno segwayi salonyaka siqalise ukuthengiswa eHarare ngolweSine njalo lonyaka kukhangelelwe ukuthi intengo yegwayi izedlula eyanyakenye.

Abaqondisi be Zimbabwe Tobacco and Marketing Board bathi isivuno salonyaka silakho ukwedlula ama kilograms phose izigidi ezilikhulu lamatshumi amahlanu-170kg.

Bathi igwayi lingathengiswa lonyaka ngamadollar amathathu-US$3,00 ikilogram ngalinye.

Ngomnyaka ophelileyo isisindo esifanayo besingamadollar edlula kancane amabili loba nje kuthe kusungulwa umsebenzi wokuthengisa igwayi singamadollar amathathu.

Ukuthengiswa kwaleligwayi kukhangelelwe ukuncedisa ukuthuthukisa umnotho welizwe.

Ingcwethi kwezombusazwe lezenotho uMnu. Rejoice Ngwenya uthi isivuno salonyaka singaba sikhulu okwamagama ngenxa yezulu elitshaye kwazwela.

XS
SM
MD
LG