Edabeni lwethu oluphathelane lezizalwane zeZimbabwe esezihlala kwamanye amazwe liviki silomnumzana Alista Vimba yenake osehlala esigabeni seTexas eMelika ecasisa ngempilo yakhe lapho ethuthela kulelo lizwe kunxoxo ayenze le Studio 7.
Kwabanzimake kuye eqalisa ukufika eMelika uVimba ngoba weza emncane kakhulu esanda kugqeda izifundo zesecondary ezoqalisa ezekolitshini, eleminyaka elitshumi lasithupha ngomnyaka ka1999.
“Ngaqala ngisecommunity college khona eTexas, ngazothi ngisuka lapho ngasengisiya eUniversity okwenyaka emine lengxenye kulokuthi ngenze iminyaka emine ngoba imali zangani ziyahlupha, so ngathatha isemester ngisebenza ngingayi esikolo ukuze ngithole imali yokubhadalela ukuthi ngigqibe izifundo zedegree” kutsho uVimba.
“Akulula ukuthi ufunde, usebenzele ukuhlawulela imfundo, ukuzinakekela kanye lokuthumela abasekhaya imali njalo ngokuyincosana oyabukuthola khonapho ngamaphepha oyabulawo umthetho kawukuvumeli ukusebenza amahola edlula angamatshumi amabili usebenza okuyimisebenzi okukuholisa amadollar amahlanu kuphela”
