amalinks wokungena

Breaking News

I-Mamelodi Sundowns Isifikile eZimbabwe Ukuzodlala leChicken Inn


Iqembu le Mamelodi Sundowns lifika koBulawayo.

Iqembu lomdlalo wenguqu ele Mamelodi Sundowns lifike edolobheni lakoBulawayo ngoLwesihlanu, ukuzodlala lentshantshu zeZimbabwe okuliqembu le Chicken Inn ngoMgqibelo enkundleni yeBarbourfields.

Umqeqetshi weMamelodi Sundwons uPitso Mosimane
Umqeqetshi weMamelodi Sundwons uPitso Mosimane

Ekhuluma lentathelizindaba ezamukele iqembu le Mamelodi Sundowns egcekeni lendizamtshina eJoshua Mqabuko International Airport, umqeqetshi weqembu le Mamelodi Sundowns uPitso Mosimane uthe iqembu lakhe kalisoze lidelele ele Chicken Inn loba nje amaSandawana etshaya eziwayo kulezinsuku emidlalweni yeAbsa Premiership khonale kwele South Africa.

I-Sundowns ihlezi phezu kwengalane yemiklomelo esigabeni se Absa Premiership njalo yilo ikhangelelwe ukuphakamisa isicoco ekupheleni kwesizini kodwa uMosimane uthi umdlalo wangoMgqibelo awusoze ube lula ngoba iqembu le Chicken Inn lisazi kabanzi ngeqembu le Sundowns lona elihlala liboniswa kumabonakude.

Leli qembu le Sundowns lilobudlelwano obuhle leqembu lase Zimbabwe eHighlanders njalo uMosimane ukhuthaze abalandeli beBosso ukuba baze ngobunengi ukuzosekela iqembu lakhe.

Umqeqeshi weqembu leChicken Inn uJoey Antipas
Umqeqeshi weqembu leChicken Inn uJoey Antipas

Ngakwelinye icele umqeqetshi weqembu le Chicken Inn uJoey Antipas uthi yena okungaphazamisa iqembu lakhe yikuba imidlalo yeligi ayikaqalisi kwele Zimbabwe ikanti kwele South Africa imidlalo isiphakathi laphakathi.

Iqembu le Chicken Inn like layadlala imidlalo yokuzwana amandla elizweni le Zambia kunsuku ezedluleyo lapho elidlale khona imidlalo emithathu.

Iqembu lenguqu eleChicken Inn Football Club
Iqembu lenguqu eleChicken Inn Football Club

Emdlalweni wakuqala iqembu le Chicken Inn libe ngutshiki lobhanqa leqembu le Zanaco elase Zambia ikanti kowesibili litshaywe nge 3 ka 1 ngele Azam elaselizweni le Tanzania kwathi kowesithathu lidliwe nge 2 -0 zintshantshu zelizwe le Zambia iqembu le Zesco United.

*********************

Iqembu lamajaha aleminyaka engaphansi kwetshumi lathoba munwe munye elimela ilizwe emdlalweni kakhilikithi linqotshwe ngama wickets amahlanu ku final eyomncintiswano we Plate kumidlalo yezizwe zomhlaba eqhutshelwa elizweni le Bangladesh.

Iqembu le Afghanistan libuthelele ama runs angu 218 lilahlekelwe ngabadlali abahlanu kuma overs angamatshumi amane lesithupha ikanti ele Zimbabwe lenelise ukuthola ama runs angu 216 kuma overs angamatshumi amahlanu njalo lilahlekelwe ngabadlali abayithoba munwe munye.

please wait

No media source currently available

0:00 0:02:38 0:00
Lapho esitholakala khona

XS
SM
MD
LG