amalinks wokungena

Breaking News

Itshiyene Imbono Ngokubhadala Imali Yama School Fees Ngembuzi


Udaba lokuba abazali sebengahlawula ngembuzi kumbe inqe isifuyo abalaso njenge mbhadalo yezifundo eyema school fees soludale inkulumo kwele Zimbabwe.

Abanye ngabathi lokhu yikubuyisela emuva inqubelaphambili kanti-ke bakhona abamukele lelinyathelo.

Umphathintambo wezemfuno, uMnu. Lazarus Dokora, utshele iphephandaba le The Sunday Mail ukuthi abaphathizikolo yibo asebezancedisana lenhlanganiso zabazali ukukhangela intengo yezifuyo iqathaniswe lembadalo eyabe izenziwa.

Kubikwa kulesikolo eGleview esesiqale ukwamukela imbuzi njengembadalo.

Ezinye inhlanganiso ezilwela ilungelo lababalisi zithi inyathelo elithethwe nguhulumende kuzamela liguqulwe ngoba kalingasebenzi.

UDokora wengezelele esithi nxa umzali engelazifyo ulakho ukusebenzela isikolo okwesikhatshana.

Sixoxe lomunye utitshala emuzini weMagwegwe, uMnu. Allan Banda, othi abakatshelwa ngaloluhlelo.

UBanda uthi kuyamangalisa ukuthi ngales’isikhathi amanye amazwe ethuthuka esiya phambili ele Zimbabwe lona libuyela muva.

"Lokhu kuyamangalisa, kuyethusa ngoba ngibona ungani ilizwe lona beseliphumelele kangaka sesibuyela emuva khonale endulo," kutsho uBanda.

please wait

No media source currently available

0:00 0:01:30 0:00

XS
SM
MD
LG