WASHINGTON —
EleZimbabwe lamuhla linanze ilanga lokulondolozwa kwamalungelo abantwana abangamantombazana i-International Day of the Girl Child, lapho umanyano we United Nations okhuthaze uhulumende ukuthi ananzelele ukuthi amantombazana ayathola imfundo njengabafana, ukwenzela ukuthi impilo zawo ibengcono. Ilanga leli belinanzwa ngokusemthethweni kumaviki amabili edluleyo.
Lokhu kwenzakala umphathintambo wezemfundo-uMnu. Lazarus Dokora etshele idale lesenate izolo ukuthi inengi labantwana alisayi ezikolo ngenxa yendlala kulandela ukungani kuhle ezigabeni ezinengi zelizwe, ngakho kufanele kube lohlelo lokubanika ukudla.
Isikhulumi senhlanganiso ye World Food Programme uMnu. Steve Taravella utshele i-V-O-A ngoLwesine ukuthi inhlanganiso yakhe isiqalisile uhlelo lokwabela abantwana besikolo ukudla emazweni agoqela ele Kenya, Cambodia, Malawi, le Liberia ukwenzela ukuthi bengalovi esikolo.
UMnu. Taravella ungezelele wathi ukudla lokhu kuzakhuthaza abazali ukuthi bevumele abantwana abangamantombazana ukuthi baye esikolo khona bezathola ukudla, endaweni yokusala ekhaya bephathisa ngemisebenzi.
Inhlanganiso yeW-F-P eZimbabwe itshele iStudio 7 ukuthi isiqalisile ukwabela abantu abedlula inkulungwane ukudla elizweni, kodwa incedisa imuli zonke hatshi abantwana kuphela.
Ukuze sihlaziye loludaba, sixoxe loMfundisi. Useni Sibanda, owayengumqondisi womanyano wezinkonzo owe Christian Alliance.
UMnu. Sibanda utshele uSithandekile Mhlanga weStudio 7 ukuthi utshayela uhulumende ihlombe ngokusebenzelana lenhlanganiso ezizimeleyo ukunika abantu abalambayo ukudla, kodwa wangezelela ngokuthi kufanele uhulumende athuthukise inhlelo zokulima kulokucela uncedo kulezinhlanganiso minyaka-yonke.
Lokhu kwenzakala umphathintambo wezemfundo-uMnu. Lazarus Dokora etshele idale lesenate izolo ukuthi inengi labantwana alisayi ezikolo ngenxa yendlala kulandela ukungani kuhle ezigabeni ezinengi zelizwe, ngakho kufanele kube lohlelo lokubanika ukudla.
Isikhulumi senhlanganiso ye World Food Programme uMnu. Steve Taravella utshele i-V-O-A ngoLwesine ukuthi inhlanganiso yakhe isiqalisile uhlelo lokwabela abantwana besikolo ukudla emazweni agoqela ele Kenya, Cambodia, Malawi, le Liberia ukwenzela ukuthi bengalovi esikolo.
UMnu. Taravella ungezelele wathi ukudla lokhu kuzakhuthaza abazali ukuthi bevumele abantwana abangamantombazana ukuthi baye esikolo khona bezathola ukudla, endaweni yokusala ekhaya bephathisa ngemisebenzi.
Inhlanganiso yeW-F-P eZimbabwe itshele iStudio 7 ukuthi isiqalisile ukwabela abantu abedlula inkulungwane ukudla elizweni, kodwa incedisa imuli zonke hatshi abantwana kuphela.
Ukuze sihlaziye loludaba, sixoxe loMfundisi. Useni Sibanda, owayengumqondisi womanyano wezinkonzo owe Christian Alliance.
UMnu. Sibanda utshele uSithandekile Mhlanga weStudio 7 ukuthi utshayela uhulumende ihlombe ngokusebenzelana lenhlanganiso ezizimeleyo ukunika abantu abalambayo ukudla, kodwa wangezelela ngokuthi kufanele uhulumende athuthukise inhlelo zokulima kulokucela uncedo kulezinhlanganiso minyaka-yonke.
