amalinks wokungena

Breaking News

Iyaqhubeka Imizamo Yokulungisisa Udaba LweZimbabwe

  • Ntungamili Nkomo

UMongameli Jacob Zuma weleSouth Africa uthumele njalo iqula lakhe eHarare ngoLwesibili ukuyahlangana labammeli beZanu PF lamacele womabili eMDC bekhulumisana ngamalungiselelo okhetho.

Kodwa umhlangano lo awusabanga khona ngoba iziphathamandla zeZanu PF, ezithi uMnu Patrick Chinamasa loMnu Nicholas Goche bengabuyanga.

UMongameli Zuma ufuna amabandla akuhulumende acande umhlahlandlela ocacileyo ozakwenqabela udlakela kanye lokuqilibezela kukhetho oluzayo.

Isikhulumeli sezithunywa zikaZuma kudaba lweZimbabwe, uNkosazana Lindiwe Zulu, utshele iStudio 7 ukuthi bazaqhubeka bexwayisa uhulumende ukuthi alungisise konke okuhluphayo kungakayiwa kukhetho.

Amacele eMDC athi afuna kuguqulwe indlela abezomvikela abasebenza ngayo njalo kwesulwe imithetho ecindezelayo.

Omunye wabamela iMDC ekhokhelwa nguMnu Welshman Ncube kunkulumo uMnu Moses Mzila Ndlovu usole iZanu PF ngokwala ukugcwalisisa isivumelwani seGPA.

please wait

No media source currently available

0:00 0:02:21 0:00
Lapho esitholakala khona
XS
SM
MD
LG