Izakhamizi zeGwanda lezinye indawo zezabelweni zeMandebeleni leNkabazwe zithi sezithengisa inkomo lembuzi ngemali ephansi njengoba sezilamba ngenxa yokuswelakala kokudla lonyaka.
Izakhamizi ezikhulume le Studio 7 zithi sezithengisa inkomo ngekhulu lamadollar kusiya kumakhulu amabili amadollar kulokuthi zithengiswe ngamakhulu adlula amahlanu amadollar eMelika.
Ziphinde zathi inhlanganiso ezinengi ezizimele zodwa zicine ngoMbimbitho ukunika uzulu ukudla ngenxa yokuthi besizahlolisisa isivuno salonyaka.
Umnu. Stephen Sibanda isakhamuzi se Gwanda South sithe indlala yalonyaka iyethusa okwamagama njengoba izifuyo sezithengiswa nsukuzonke ngentengo ephansi.
Umnu. Thandeko Zinti Mnkandla omele iGwanda North edale lephalamende uthi uhulumende kumele adingele izakhamuzi ukudla.
Unkosikazi Faith Ndlovu ingcwethi kwezokuthuthukisa inotho kazulu uthi izakhamizi ezithengisa inkomo ngemali ephansi eGwanda leShurugwi ngenxa yokuswela ukudla kazila eyinye indlela yokuphanda imali.
