amalinks wokungena

Breaking News

Izakhamizi, Osobhuku Labalwa Impi Yenkululeko Bavimba Uhulumende Oxotsha Omhlophe Epulazini


Map of Zimbabwe

Izakhamizi, osobhuku labalwa impi yenkululeko eNyathi esigabeni seMatabeleland North Province sebebhalele ugatsha luka hulumende olubona ngezomhlabathi losikomitshi waleyo ndawo bekhonona ngemzamo yokuthathela umnumzana Glen James ipulazi lakhe le Robert Block 14.
Umnumzana Cheda owayengumahluli kudale le Supreme Court ye Zimbabwe njalo osanda kutshiya umsebenzi wanikwa ipulazi leli lugatsha lukahulumende olubona ngezomhlabathi..
UMnumzana Cheda ubefuna ukungena kuleli pulazi ngo Mpandula lango Nkwenkwezi kodwa izakhamizi zathi kumele ame ukwenzela ukuthi kuhluzisiswe udaba lolu.
Kucine kusenziwa umhlangano duzane lalelo pulazi lapho okuthethwe khona isinqumo sokuthi akumelanga uJames axotshwe kulelo pulazi njengoba esebenzelana kuhle labantu makhaza.
UMnumzana Dumisani Mpofu obekade esemhlanganweni lo utshele uGibbs Dube we Studio 7 ukuthi abalwa impi yenkululeko bazondile ngokuthi kule nkethabetshabi ekuthatheni amapulazi abamhlophe njengoba bengalwelanga ukuthi kuhlukuluzwe amakhiwa.

‚Äč
XS
SM
MD
LG