BULAWAYO —
Isibhedlela seMpilo sesamukele uncedo oluvela kuzakhamizi lokuphathisa ngokudinga imali ngoba lokhu kusebenzelana kuyikho okulakho ukuletha inguquko ukuze izizalwane zithole uncedo lwempilakahle lokwelatshwa okufaneleyo kulesi sibhedlela sikazulu.
Inhlanganiso yezakhamizi eye Bulawayo United Residents Asociation iyaqhubeka ngomkhankaso wokudinga imali engamatshumi amabili enkulungwane amadola - $200 000 ukwakha umduli esibhedlela seMpilo, isithi yona sokumele izakhamizi zisukumele phezulu nxa zifisa ukuthola usizo kulesisibhedlela esiswela imali yokuqhuba inhlelo.
Ukulumbana lokhu phakathi kwezakhamizi lesibhedlela kukhangelelwe ukuqhubeka ukuze kuphathise langengubo, imithi kanye lokunye okunenginengi okwenqabela iMpilo ukuqhuba umsebenzi wayo wokwelapha uzulu ngemfanelo.
Lokhu kulumbana kuza ngesikhathi izakhamizi zikhala ngokuthi impilakahle yezigulane ezinengi isisengozini kulandela ukuswelakala kwemali yokuqhuba inhlelo kulesisibhedlela lohulumende ekhanya engelayo imali yokuphathisa.
Phezu kwalokhu, impahla esetshenziswayo isigugile osokwenze kwavalwa izindlu zokuhlinzela -amatheater ayisitshiyagalombili kwasala amane kuphela ngesikhathi ikhansili layo ithwele nzima ukuhambisa inhlelo zayo kumakiliniki ayiwo ajayele ukuphathisa lesisibhedlela.
Udubo lwempilakahle kulumhlubulo welizwe awuqali lonyaka ngoba izibhedlela ezinengi kulumango okuyizo ezazikhangelelwe ukuphathisa lesisibhedlela ngokwelapha izifo ezincane azisela odokotela osekwenza inengi labantu eligula lisemadolobheni agoqela i Hwange, i Masvingo, iGweru kanye le Beitbridge lize koBulawayo.
Ophethe isibhedlela seMpilo, uDr Lawrence Mantiziba, uthi ukuphathisana lozulu yiyo yodwa indlela abalayo ukuze izakhamizi zithole isiphatho esihle njalo impilakahle ithuthuke ngoba sona isibhedlela sivele ngesikazulu.
Uthi kuyakhwabitheka ukuthi lalapho uhulumende esilela, izakhamizi lazo ezikhala ngenswelo zibone kufanele ukuthi zizikhame lapha lalaphana ukuze isibhedlela sibelakho ukuqhubeka sisebenza ngemfanelo.
Uthi kuyajabulisa ukuthi izakhamizi zakoBulawayo ziyananzelela ukuthi isibhedlela lesi ayisiso sabodokotela labongi bodwa kodwa ngesomphakathi wonke okumele ahlanganise amakhanda abonisane ukuthi angafaka ngaphi izandla ukuze aphathise ekuletheni impilakahle kuzulu.
Isakhamuzi uNkosikazi Sharon Khoza, uthi kuqakathekile ukuthi izakhamizi ziphathisane lalesisibhedlela ngoba nxa sithe sehluleka ukusebenza yizo lezizizakhamizi ezizathwala nzima ngokudinga impilakahle khatshana lakundawo ezibiza inhlawulo ephezulu.
Kusenjalo, umgcinisihlalo weBURA, uMnumzana Winos Dube, uthi izakhamizi ziyalusekela ngamandla loluhlelo lokudinga imali yokuphathisa isibhedlela.
Uthi isikhona impumela yokubukisa kwabo kundawo yeMpilo embukisweni osanda kudlula owe Zimbabwe International Trade Fair kumaviki amabili adluleyo lapho ababekhuthaza izakhamizi ukuthi lesi yisibhedlela esiphethe impilakahle kaBulawayo lezinye indawo ngakho asingeke sayekelwa sisifa.
Abamabandla ezokholo labo sebengenile kulumkhankaso wokudinga imali yokuphathisa isibhedlela seMpilo.
Umfundisi welinye lamabandla, uBishop Trust Sinjoki uthi njengamabandla okholo kuqakathekile ukuthi baphathise kunhlelo zentuthuko ngoba labo bayingxenye yomphakathi.
Uthi kuyimfundiso yokholo lwesiKristu ukuphathisa abagulayo lalabo abaswelayo kungakho bezathatha umnikelo wokuphathisa isibhedlela seMpilo njengebandla.
Usomabhizimisi, uNkosikazi Thandeka Dlamini, uthi ukuswelakala kwemali kanye lokungaqhubi kuhle kwamabhizimisi kuleli yikho okwenqabela abamabhizimisi ukuphathisa kunhlelo ezinje. Uthi aluba inotho yelizwe iqhuba ngemfanelo, nga amankampani yiwo ahambela phezulu ukuvuselela lesisibhedlela esesifana lonxiwa nje olungela lembuya kodwa lokhu.
Umnumzana Samuel Ntaisi oyisakhamuzi, uthi kuhle ukuthi izakhamizi zihlose ukuphathisa kwezempilakahle kodwa lo ngumsebenzi okumele uphathwe nguhulumende ngoba uzulu akalamali. Uthi uzulu uvele ubhadala imithelo etshiyeneyo okuyiyo imali okumele isebenze kunhlelo zikazulu ezifana lempilakahle kodwa uhulumende kaqhubi ngemfanelo osokuyikho okudinga uzulu ukuthi asukume athathe amanyathelo la.
Isibhedlela seMpilo sileminyaka singela mduli osokwenze kwabalula ukuthi amasela antshontshe impahla etshiyeneyo. Isibhedlela njalo siphatheke kunhlelo ezitshiyeneyo zokudinga imali yokuphathisa.
Inhlanganiso yezakhamizi eye Bulawayo United Residents Asociation iyaqhubeka ngomkhankaso wokudinga imali engamatshumi amabili enkulungwane amadola - $200 000 ukwakha umduli esibhedlela seMpilo, isithi yona sokumele izakhamizi zisukumele phezulu nxa zifisa ukuthola usizo kulesisibhedlela esiswela imali yokuqhuba inhlelo.
Ukulumbana lokhu phakathi kwezakhamizi lesibhedlela kukhangelelwe ukuqhubeka ukuze kuphathise langengubo, imithi kanye lokunye okunenginengi okwenqabela iMpilo ukuqhuba umsebenzi wayo wokwelapha uzulu ngemfanelo.
Lokhu kulumbana kuza ngesikhathi izakhamizi zikhala ngokuthi impilakahle yezigulane ezinengi isisengozini kulandela ukuswelakala kwemali yokuqhuba inhlelo kulesisibhedlela lohulumende ekhanya engelayo imali yokuphathisa.
Phezu kwalokhu, impahla esetshenziswayo isigugile osokwenze kwavalwa izindlu zokuhlinzela -amatheater ayisitshiyagalombili kwasala amane kuphela ngesikhathi ikhansili layo ithwele nzima ukuhambisa inhlelo zayo kumakiliniki ayiwo ajayele ukuphathisa lesisibhedlela.
Udubo lwempilakahle kulumhlubulo welizwe awuqali lonyaka ngoba izibhedlela ezinengi kulumango okuyizo ezazikhangelelwe ukuphathisa lesisibhedlela ngokwelapha izifo ezincane azisela odokotela osekwenza inengi labantu eligula lisemadolobheni agoqela i Hwange, i Masvingo, iGweru kanye le Beitbridge lize koBulawayo.
Ophethe isibhedlela seMpilo, uDr Lawrence Mantiziba, uthi ukuphathisana lozulu yiyo yodwa indlela abalayo ukuze izakhamizi zithole isiphatho esihle njalo impilakahle ithuthuke ngoba sona isibhedlela sivele ngesikazulu.
Uthi kuyakhwabitheka ukuthi lalapho uhulumende esilela, izakhamizi lazo ezikhala ngenswelo zibone kufanele ukuthi zizikhame lapha lalaphana ukuze isibhedlela sibelakho ukuqhubeka sisebenza ngemfanelo.
Uthi kuyajabulisa ukuthi izakhamizi zakoBulawayo ziyananzelela ukuthi isibhedlela lesi ayisiso sabodokotela labongi bodwa kodwa ngesomphakathi wonke okumele ahlanganise amakhanda abonisane ukuthi angafaka ngaphi izandla ukuze aphathise ekuletheni impilakahle kuzulu.
Isakhamuzi uNkosikazi Sharon Khoza, uthi kuqakathekile ukuthi izakhamizi ziphathisane lalesisibhedlela ngoba nxa sithe sehluleka ukusebenza yizo lezizizakhamizi ezizathwala nzima ngokudinga impilakahle khatshana lakundawo ezibiza inhlawulo ephezulu.
Kusenjalo, umgcinisihlalo weBURA, uMnumzana Winos Dube, uthi izakhamizi ziyalusekela ngamandla loluhlelo lokudinga imali yokuphathisa isibhedlela.
Uthi isikhona impumela yokubukisa kwabo kundawo yeMpilo embukisweni osanda kudlula owe Zimbabwe International Trade Fair kumaviki amabili adluleyo lapho ababekhuthaza izakhamizi ukuthi lesi yisibhedlela esiphethe impilakahle kaBulawayo lezinye indawo ngakho asingeke sayekelwa sisifa.
Abamabandla ezokholo labo sebengenile kulumkhankaso wokudinga imali yokuphathisa isibhedlela seMpilo.
Umfundisi welinye lamabandla, uBishop Trust Sinjoki uthi njengamabandla okholo kuqakathekile ukuthi baphathise kunhlelo zentuthuko ngoba labo bayingxenye yomphakathi.
Uthi kuyimfundiso yokholo lwesiKristu ukuphathisa abagulayo lalabo abaswelayo kungakho bezathatha umnikelo wokuphathisa isibhedlela seMpilo njengebandla.
Usomabhizimisi, uNkosikazi Thandeka Dlamini, uthi ukuswelakala kwemali kanye lokungaqhubi kuhle kwamabhizimisi kuleli yikho okwenqabela abamabhizimisi ukuphathisa kunhlelo ezinje. Uthi aluba inotho yelizwe iqhuba ngemfanelo, nga amankampani yiwo ahambela phezulu ukuvuselela lesisibhedlela esesifana lonxiwa nje olungela lembuya kodwa lokhu.
Umnumzana Samuel Ntaisi oyisakhamuzi, uthi kuhle ukuthi izakhamizi zihlose ukuphathisa kwezempilakahle kodwa lo ngumsebenzi okumele uphathwe nguhulumende ngoba uzulu akalamali. Uthi uzulu uvele ubhadala imithelo etshiyeneyo okuyiyo imali okumele isebenze kunhlelo zikazulu ezifana lempilakahle kodwa uhulumende kaqhubi ngemfanelo osokuyikho okudinga uzulu ukuthi asukume athathe amanyathelo la.
Isibhedlela seMpilo sileminyaka singela mduli osokwenze kwabalula ukuthi amasela antshontshe impahla etshiyeneyo. Isibhedlela njalo siphatheke kunhlelo ezitshiyeneyo zokudinga imali yokuphathisa.