Inhlanganiso emele izakhamizi zako Bulawayo iProgressive Bulawayo Residents Association ithi uhulumende wehlulekile lonyaka ukulungisa uhlupho lwamanzi osoluqhubeke okwesikhathi eside kuleli dolobho.
Umqondisi wenhlanganiso le uMnu. Roderick Fayayo uthi uhulumende womanyano wehluleke njengebandla le ZANU PF lisabusa lodwa ukuthuthukisa uhlelo lwe Matabeleland Zambezi Water Project olukhangelelwe ukuqeda udubo lwamanzi kobulawayo lendawo ezinengi kwele mandebeleni.
UFayayo uphinde wathi ukuswelakala komlilo kagetsi kwenze abantu makhaza baphile angani kusendulo kulelidolobho. Labo abavalelwa umlilo kagetsi yinkampani ye Zimbabwe Electricity Supply Authority-ZESA behluleka ukubhadala okwamanje sebephila ngokubasa umlilo wenkuni.
Uqhubeke phambili uFayayo ethi phezu kodubo lokucitshelwa ugetsi uzulu utphinde wathwala nzima koBulawayo ngenxa yokuvalwa kwamankampani lonyaka abikwa ethuthele eHarare.
