amalinks wokungena

Breaking News

Izakhamizi ZakoBulawayo Zitshengisela Esibhedlela seMpilo Zikhokhelwa NgabeZapu


Abantu betshengisela esibhedlela seMpilo Hospital koBulawayo

Uzulu koBulawayo umanyanyane labebandla leZAPU betshengisela esibhedlela seMpilo ngenxa yokungaqhatshwa kwabongi abavela emhlubulweni weMandebeleni.

Abatshengisele ngoMvulo ngabadabuka emhlubulweni weMatebeleland bekhonona ngokuthi bayancindezelwa ekukhethweni kwabafundela umsebenzi wokonga esibhedlela seMpilo bethi lokhu kumele kulungisiswe ngokuphangisa.

Umnunzana Patrick Ndlovu isikhulumeli sebandla leZAPU uthi indlela abakhethe ngayo abantwana abangene kuhlelo lokufundela umsebenzi wokonga lonyanga ayiqondanga.

“Silapha ukuthi sizokhipha uminister ewofisini ukuthi abuye kuground ngencindezelo eyenzakala ebantwaneni besiNdebeleni .Indlela abathi bathethe ngayo abantwana ayilunganga sivela emhlanganweni loCEO usitshelile ukuthi wathola incwadi kasitshelanga ukuthi yavela kubani ,yathi bame ukuthatha abantwana so lokhu ku against ipolicy yegovernment sesimtshelile ukuthi kabhalele uminister wakhe siyabuya uminister kusasa eMhlanhlandlela kodwa asimi ukungena emaclasin uMinister aze abuye lapha azolungisa indaba le ewonakeleyo ngoba u CEO uthi inda iwonwe ngu minister ngoba bathi abantwana abafundanga nampa bafundile so siyabuya Labantwana laye uMinister kaphume ewofisini ngoba amadoda alapha athi awala mandla ngoba amandla athethwe nguminister.”

Umnunzana Solwayo Ngwenya umqondisi weMpilo uthi abantu kababekezele kusalindwe ukuthi kulotshelwe ugatsha lwezempilakahle ngoba bona bengela mandla okuguqula osokukhona manje.

“Ngiyalibona sibili ubunengi benu liyafisa ukuba ngomongikazi lisebenze lathi kodwa okwakhathesi kukhanya kulenkinga ezikhona. Siyacela ukuthi libe ngabantu bokuthula indaba leyi izasiywa eHarare ngoba into zonke zivelela khonale thina asilawo amandla anganani ukuthi sitshintshe izinto ezilapha. Kungabhalwa lezoncwadi kulungiswe ukuthi lani libelelungelo ukuthi lani lizuze itraining njengoba lihlala khonapha eduze.”

Umnuzana Mlungisi Moyo ongumhlali wakoBulawayo uthi wonke umuntu ulelungelo lokuthi asebenze kibo njalo kumele abantu baphiwe amathuba afanayo.

“Silapha ngenxa yendaba yokubana kunursing abantwana ade bethathwa sinanzelela ukuthi bekuthathwa abangaso beregion leyi so thina sithi njengabantu beZimbabwe wonke umuntu ulelungelo lokusebenza kibo njalo ephiwa amathuba afananayo ,Kungabi labanye umhlobo wabantu abathola imisebenzi abanye bengatholi njalo sinanzelela ukuthi imisebenzi enjenge nursing kubana nxa kumele uyesebenzisana labantu uzasebenza njani ulimi lwakibo ungalwazi .”

Unkosikazi Patricia Tshabalala ongumhlali wakoBulawayo uthi uzoxhasa abantwana bakoBulawayo abancitshwa indawo zokuba bafunde ukuba ngomongikazi.​

“Ngizomela udaba lwabantwana abakoMthwakazi abancitshwa ukuzofunda izifundo zobumongikazi koBulawayo elizweni labo yiyo indaba embuye ukuzoyibona ngiyikhangelisise. Sithe sikhangelisisa safica ukuthi kuthiwa kulerecruitment okuthiwa yenziwa through the line kumele abantu beqhatshwe manqamu bekhangele, sananzelela futhi ukuthi nxa ungena lapha uyafica ukuthi omongikazi abanengi ngabesishoneni 99% njalo abantwana laba bezongena ngapha bathwalwa yibus babuye bezongeniswa.”

Uzulu wakoBulawayo uveze ukubambana njalo lokuthi bayabandlululwa nxa kufika esikhathini sokuthi bazithuthukise ngendlela ababuye ngobunengi ngayo bezotshengisela, bathi bafisa ukuthi lowu onguye owenze leliphutha aphume bembone baxhazulule loludaba ngoba kungalunganga ukuthi babuswe endaweni yabo.

Udaba lokutshengisela kwabakiBulawayo eMpilo Hospital siluphiwa nguBathabile Masuku
please wait

No media source currently available

0:00 0:03:02 0:00

Facebook Forum

XS
SM
MD
LG