Izakhamizi zeBulilima eMatabeleland South zithi umhlambi wendlovu ezifika phose amatshumi amane ezicatshangelwa ukuthi zivelela kweleBotswana sezihlazele lindawo njalo zidla izivuno zabantu eziphaleni.
Ugatsha olubona ngezinyamazana olwe Zimbabwe Parks and Wildlife Management Authority (ZIMPARKS) lubikwa soludubule indlovu eyodwa ngendlela yokuxotsha ezinye kodwa lokhu akukancedi.
Indlovu zibikwa zithwalise nzima inengi labantu ezigabeni zeMatabeleland South le North, ikakhulu ngesikhathi sokulima. Ukuze sizwe okwenzakala kwezinye indawo kulesisigaba, uSithandekile Mhlanga owe Studio 7 uxoxe loMnu. Okay Ndlovu, isakhamuzi seNqameni eGwanda.
Kusenjalo, kulandela ukubulawayo kwendlovu ezine ngetshefu e Zambezi National Park, isiphathamandla seZIMPARKS uNkosikazi Caroline Washaya-Moyo utshele ukuthi uhulumende usekhweze inani lendizamtshina kanye lamapholisa ama rangers ngendlela yokwenqabela isehlakalo esifanayo.