Isilwane esibulele isisebenzi sikaloliwe eDete, uMnu. Thomas Muputsa, ngeviki edluleyo sibikwa sesithwalisenzima izakhamizi kulindawo. Ugatsha lwe Zimbabwe Parks lutshele iStudio Seven ngoMgqibelo ukuthi kuthunyelwe ingcwethi zenyamazana zendle ukuthi ziyocubungula okwenzakalayo lokuthi sibulawe na.
Umuyi ubikwa wehla esilindweni sesitimela esithiwa Kennedy Siding, wangena igusu lapho okwakulesilwane lesi sambulala kodwa asizange simudle.
Okudanise izihlobo labanagane abamngcwabe ngeSonto ekhaya lakhe eChinhoyi, yikuthi ubevele edingakala ukuthi aziswe ngokugula kukayise laye obhubhe indodana yakhe isibulewe yisilwane. Babekwe ngelanga linye elange Sonto.
Sixoxa lokhansila weDete, uMnu. Stanley Torima owebandla leMDC ukuze sizwe okunengi ngaloludaba.
