Izakhamizi zeDete esigabeni seMatabeleland North duze leHwange National Park zithi zithwele nzima ngengwe esibulele izifuyo.
Izakhamizi zalumango zithi zithwelenzima njalo ngenyamazana zendle ezibalisa izilwane, indlovu lengwe.
Ezinye zezakhamizi zalumango zithi zidlelwe izilimo emasimini zinyamazana ezibalisa indlovu, ingulube zeganga lezinye.
Ngeminyaka esanda kwedlula kulomntwana owadliwa yisilwane evela komakhelwane lapho ayethunywe ukuyacela isawudo.
Okucunula izakhamizi yikuthi kuze kufe isilwane esasithiwa nguCecil kwaba lomkhosi owavungama umhlaba wonke jikelele kodwa kuze kufe umntwana lo akuzange kukhale muntu.
Isakhamuzi seDete, uMnu. Stanley Torima, uthe, "Engake ngakutshela khona yikuthi inyamazana sezihluphile kakhulu, ngikhuluma nje kulengwe esezihluphile esezidle imbuzi ezinhlanu'"
