amalinks wokungena

Breaking News

'Izakhamizi zeMatobo Ezihlaselwe Ngamapholisa Zilokhu Zicatshe Ezintabeni'


Matopo pictures
Matopo pictures

Ezinye izakhamizi zeMatobo koTshapu zibikwa zilokhu zihlala ezintabeni ngemva kokubaleleka amapholisa ezomvukela awe-riot, wona avuke eseganga abhaxabula izakhamizi ebezixotshe otsheketsha abafika bagebha amagodi emadlelweni abo bedinga igolide.

Isehlakalo lesi senzakale ngeSonto ngemva kokuba omunye owesifazana odabuka eMberengwa, obikwa esithi waphupha ukuthi kulegolide kulumango, ethumele otsheketsha kodwa izakhamizi zabaxotsha.

Umama lo ubikwa wayaceba emaphaoliseni abuya engasadlanga nkotshana atshaya yiloba ngubani ahlangana laye okwabangela ukuthi abanye becele ezinyawenu bayephephela ezintabeni.

Abanye abatshaywayo babikwa balimali kabuhlungu njalo omunye owesifazana wephuka ingalo.

Umela weMatabeleland South edale lephalamende, uNkosazana Nomathemba Ndlovu utshele iStudio 7 ukuthi otsheketsha laba bacatshengelwa ukuthi batshiya bephosele itshefu emthonjeni wesigaba.

please wait

No media source currently available

0:00 0:03:02 0:00

Asenelisanga ukukhuluma lamapholisa ngaloludaba.

XS
SM
MD
LG