amalinks wokungena

Breaking News

Izakhamizi Zibanjwa Ngamandla Ukuhlawula Imali Yedili Lika Mugabe


UMongameli Mugabe esika ikhekhe lelanga lokuzalwa kwakhe nyekenye.
UMongameli Mugabe esika ikhekhe lelanga lokuzalwa kwakhe nyekenye.

Izakhamizi zeMatobo esigabeni seMatabeleland South zithi zihlawuliswa idola ngamuzi munye ekulungiselelweni idili likunanza ilanga lokuzalwa kukaMongameli Robert Mugabe, ozenelisa iminyaka yokuzalwa engamatshumi ayithoba munwe munye lantathu, 93.

Kukhangelelwe ukubuthelelwa imali efika phose isigidi esisodwa - i$1 million - njalo izakhamizi zithi zitshelwe ukuba zikhuphe inkomo ngamuzi munye.

Idili leli kwakumele lenziwe eMatopo National Park kodwa izakhamizi zakhalaza zisithi kubucwadlana kakhulu lomgodi weBhalagwe lapho okwaphoselwa amathambo abantu ababulawa ngesikhathi se Gukurahundi.

Lokhu kwabangela ukuthi uhulumende atshede kancinyane ase lumthimba esikolo seRhodes Estates Preparatory School.

Omela isigaba seMatobo North edale lephalamende, ongomunye wabaqoqa lelidili, uMnu. Never Khanye owebandla le Zanu PF, utshele intathelizndaba ukuthi kuzahlatshwa inkomo ezilikhulu lamatshumi amahlanu, 150.

UKhanye walile ukukhuluma le Studio 7 esithi omele akhulume yisikhulumeli sebandla leZanu PF, uMnu. Simon Khaya Moyo, yena obengatholakali ecingweni lwakhe.

Sixoxe lomgcinisihlalo wenhlanganiso yezakhamizi, iMatobo Development Association, uMnu. Anglistone Sibanda, othi izakhamizi zikhala ngokukhahlamezwa ngamapholisa phambilini kwalelidili elizenziwa ekupheleni kwenyanga.

"Kuthiwe abantu bakhiphe amadola ukuze kungezelelwe isikhwama sokwenza ibirthday kamongameli manje abantu akubaphathi kahle ngoba indlela okwenziwa ngayo kwenza ukuthi abantu bangaphatheki kahle," kutsho uSibanda.

please wait

No media source currently available

0:00 0:01:51 0:00
Lapho esitholakala khona

XS
SM
MD
LG