amalinks wokungena

Breaking News

Izakhamizi zeNkazhe eGwanda Zithi Osobhuku Bakhankasela iZANU PF


Zanu PF Interface Rally

Kodwa omunye wabosobhuku obesemhlanganweni lo, uMnu. Samson Tshabangu uthe yena kafani labanye osobhuku ngoba ulandela isisekelo sombuso ngoba njengenkokheli zomdabu akumelanga bakhethe hlangothi kwezombusazwe.

Izakhamizi zeNkazhe eGwanda North zithi ziyakhathazeka ngabo sobhuku abakhankasela ibandla leZanu PF.

Izakhamizi bezikhuluma emcimbini wezomculo obuqoqwe yinhlanganiso ezimeleyo eye Community Youth Development Trust (CYDT) eNkashe ngoMgqibelo owokukhuthaza uzulu ukuya vota ngokuthula.

“Umthetho kahulumende uyavumela yini ukuthi osobhuku behambe becampaigner elinye ibandla elikhona ngoba osobhuku siyababona bayangena emzini yethu” kutsho esinye isakhamuzi.

Omunye wabosobhuku obesemhlanganweni lo, uMnu. Samson Tshabangu uthe yena kafani labanye osobhuku ngoba ulandela isisekelo sombuso.

UTshabangu uthe njengenkokheli zomdabu akumelanga bakhethe hlangothi kwezombusazwe.

“Ezombangazwe angikho phakathi kwazo bayakwazi labo khonapha akekho ongathi lo ngilaye. Hayi uyabe ekhuluma okungayisikho mina vele angingeni ezombangazwe mina ngikhangela abantwana bonke angikhethi hlangothi, ngilandela iconstitution iyangitshela ukuthi mina ngikhangela abantu angikhangelanga umuntu.”

Abancintisa kukhetho oluzayo bebenxusiwe kulumhlangano ukuzohlangana lezakhamizi.UMnu. Standford Nkala, ongukhansila kaWard 3 njalo ezancintisa emele umanyano weMDC Alliance, uthi uzaqhubeka eyisithunywa sezakhamizi.

“Kangisoze ngilithembise izinto ezingaphezulu kwamandla kakhansila. Liyanginika lina izinto elifuna ziyenziwe besengisiyabika ekhansilini ukuthi abadala bakhala ngalokhu lalokhu okunjengemigwaqo, amanzi lokunye lokhu ke kumele kwenziwe yikhansili kumbe nguhulumende, kangilithembisi ukuthi ngizalinika umumbu ngisitsho umumbu weSocial Welfare.”

Oncintisa kukhetho lokudinga ozamela eGwanda North edale lephalamende ezimele uMnu. Lungisani Ncube, uthi useqalile ukuthuthukisa impilo yezakhamizi.

“Since 1980 likhala ngamanzi ngikhangelele ukuthi ngeWednesday amanzi siyabe siwanatha siyabe sisidla inyama khonapha. Ngifuna ukulandelelela bonke abantwana abehluleka ukuthi baqhubekele phambili ngemfundo ngibaqhubekise baye phambili, nangu umntwanenu badala nangu u2mins oyenza izinto khonapho khonapho.”

UMnu. Bheki Sibanda, oncintisa emele umanyano weMDC Alliance eGwanda North, uthi sokuyisikhathi sokukhupha ibandla leZanu PF esihlalweni.

“Sibulawele abantu abangu 20 000 eMatabeleland sitshontshelwe imali engange $15Billion i-economy yethu ifile abantu kabasebenzi amafekithali avaliwe asengamachurch, and therefore injongo yethu yakuqala ngalama elections Sisonke lani yikuthi iZanu kayitshayise ukuze ilizwe leli libuseke kuhle.”

Umhlabeleli olodumo, owaziwa ngokuthi nguMadlela Sikhobokhobo ojabulise izakhamizi ngomculo wakhe, ukhuthaze izakhamizi ukuthi zingesabi ukuyavota.

“Kuthiwa sizolitshela ukuthi liyevota ngokuthula, angithi laphana ma ufika uzivotela uvotela lowo othandwa yinhliziyo yakho awufoswa ngumuntu ukuthi votela bani. Uvotela othandwa yinhliziyo yakho, akula camera akulani uyazivotela santando angithi bantu benkosi.”

UNkosazana Sichasisile Ndlovu, umqondisi weCommunity Youth Development Trust, ukhuthaze izakhamizi ukuthi zivote ngokuthula njalo ngonanzelelo.

“Ngiyathemba ukuthi alikabi lama base esiliwavulile, ngiyathemba futhi ukuthi liyahlonipha ilungelo lomunye umuntu ukuthi kuqakathekile ukuthi ayevota ngokuthula. Khombani elimbona eleqiniso esikutshoyo yikuthi abantu abavote ngendlela yokuthi bezwisisa ukuthi lumuntu ulesisindo kumbe ulamacebo okuguqula ukuhlala kwabo.”

Abanye abancintisa kukhetho lwabameli bedale lephalamende eGwanda North ngoMnu. Madodana Sibanda owebandla le Zanu PF, uMnu. Younger Moyo owe MDC-T, uMnu. Micah Masiye weZAPU, UMnu. Mcebisi Dube owebandla leMthwakazi Republic Party, uMnu. Nqobizitha Madlela womanyano wePeople’s Rainbow Coalition kanye loNkosazana Busile Ndlovu weRPZ.

please wait
Embed

No media source currently available

0:00 0:05:14 0:00

Facebook Forum

XS
SM
MD
LG