amalinks wokungena

Breaking News

United Nations: Inengi Lilokhu Lingela Zambuzi Emaphandleni


Blair Toilet
Blair Toilet

Ukuswelakala kwezambuzi lokhu kubikwa kubangela ukuthi abesifazana badlwengulwe kumbe behlukuluzeke nxa besiya egangeni.

Uhulumende uthi inengi labantu elizweni lilokhu lingela zambuzi okubangela ukuthi lisebenzise iganga nxa lisiya ngaphandle, ngesikhathi umhlaba unanza ilanga elabekwa ngumanyano we United Nations ele World Toilet Day elokukhuthaza abantu ukunanzelela ukuqakatheka kwezambuzi.

Umphathintambo wezempilakahle uDr. David Parirenyatwa ubikwa esithi uhulumende ulokhu ekhuthaza induna labosobhuku emaphandleni ukuthi labo bekhuthaze izakhamizi ukuthi zizakhele izambuzi ngoba uhulumende engenelisi ukwakhela wonke umuntu.

Umanyano we United Nations uthi phakathi kwabantu abangama billion ayisikhombisa elizweni, abedlula amabhiliyoni amabili, 2.5 billion abalazambuzi. Ithi lokhu kubangela ukuthi abesifazana badlwengulwe kumbe behlukuluzeke nxa besiya egangeni.

Kusenjalo, umgcinisihlalo weNkayi Rural District Council uMnu. Sicelo Mpofu utshele uSithandekile Mhlanga weStudio 7 ukuthi ezinye izakhamizi kanye lezikolo sezakhelwa izambuzi yinhlanganiso yeUNICEF kodwa kulabanye abalokhu bengelazo.

Ingxoxo LoKhansila Sicelo Mpofu
please wait

No media source currently available

0:00 0:01:54 0:00
Lapho esitholakala khona

XS
SM
MD
LG