amalinks wokungena

Breaking News

ZCTU: Sisekela uNkosazana Thokozani Khupe Kubandla leMDC-T


Annastacia Ndlovu

Inhlanganiso yezisebenzi eye Zimbabwe Congress of Trade Unions ithi isekela umuntu olandela isisekelo sombuso webandla ngakho-ke basekela uNkosazana Thokozani Khupe okucele elilwisana lelika Mnu. Nelson Chamisa.

Lokhu kwethulwe nguMnu. Ntando Ndlovu weZCTU obesemhlanganweni owenziwa nguMaKhupe labanye bakhe koBulawayo.

Okwethulwe nguNdlovu kusekelwe zinhlanganiso ezimbalwa ezizimele zodwa ezithe zibona engani uMaKhupe ulandela isisekelo sombuso webandla leMDC-T.

UMnu. Mbuso Fuzwayo, umqondisi weIbhetshu Likazulu, uthe basekela uMaKhupe ngoba kusobala ukuthi ulwela abantu beMatabeleland leNkabazwe.

UMnu. Nkululeko Tshuma osuka eFilabusi emele inhlanganiso yeMission to Live Trust, ugcizelele esithi bayamsekela uNkosazana Khuphe kungakhathalekile ukuba labo abamelana laye bathini.

Ezinye inhlanganiso ezingene lumhlangano ezigoqela iBulawayo Progressive Residents’ Association, Women in Leadership and Development, National Youth Development Trust zithe lazo zisekela uMaKhupe.

Ibandla leMDC-T lasungulwa yizisebenzi ngomyaka ka1999 kodwa ladabuka phakathi kancane kancane kulandela ukuphikisana phakathi kwenkokheli yalo lowayengumongameli umuyi uMorgan Tsvangirai.

Facebook Forum

XS
SM
MD
LG