amalinks wokungena

Breaking News

IZCTU Kayinxusi Abezombusazwe Emkhosini Welanga Lezisebenzi Lonyaka


Inhlanganiso ezimele izisebenzi zithi lonyaka kazisoze zinxuse abezombusazwe ukuthi bazekhuluma ngelanga lokunanza okwenziwa yizisebenzi ele May Day ngoLwesine.

Inhlanganiso ye Zimbabwe Congress of Trade Unions (ZCTU) ekhokhelwa nguMnu. George Nkiwane laleyo ezibiza ngokuthi yi Disgruntled Affiliates of the ZC-U ekhokhelwa nguMnu. Lovemore Matombo zithi abezombusazwe sebejwayele ukuzakhuluma abakufunayo ngelanga lokunanza izisebenzi eleMay Day. Ngakho-ke zithi akukho konke lokhu lonyaka.

Akwaziwa ukuthi eyinye njalo inhlanganiso yezisebenzi iZimbabwe Federation of Trade Unions izanxusa abezombusazwe eKariba lapho ezabe ilombuthano wayo wokunanza ilanga lezisebenzi.

UMnu. Japhet Moyo unobhala jikelele wenhlanganiso ye ZCTU uthi abezombusazwe bangabuya emkhosini wabo bengela zembatho zamabandla abo.

Amanye amabandla ezombangazwe enjenge MDC-T athi azathumela abantu emkhosini le.
XS
SM
MD
LG