amalinks wokungena

Breaking News

AbeZEC Basungula Ihlandla Eliqelisiweyo Lokubhalisela Ukuvota Ele BVR Mop-up Exercise


UMnumzana Qhubani Moyo oweZEC

Ihlandla eliqhelisiweyo lohlelo lokubhalisa ukuthola ilungelo lokuvota kusetshenziswa indlela zangalezi nsuku olweBiometric Voter Registration (BVR), luqeliswe ngenyanga eyodwa, kusukela mhlaka 10 Zibandlela, lusiyagqitshwa mhla ka 8 Nhlolanja, 2018.

ZEC
ZEC

Esinye seziphathamandla sekhomishini eyeZimbabwe Electoral Commission, uMnumzana Qhubani Moyo ukhuthaza labo abangenelisanga ukubhalisa kuhlandla lokuqala ukuthi, bahambe ukuyabhalisa masinyane kusaselesikhathi.

“Sibone kungcono ukuthi sinike abantu ithuba elokucina ukuthi babhalise njalo, ukwenzela ukuthi kungabi lomuntu ozakhala ngokuthi ngisele emuva,” kutsho uMoyo

Uqhubeke ethi inengi lalabo abangenelisanga ukubhlalisa ehlandleni lokuqala bahlanganisela izizalwane zeZimbabwe ezilabazali abazalelwa kwamanye amazwe agoqela oMalawi, Zambia, Mozambique lamanye.

UMoyo ubuye wathi bakhangelele njalo ukwengezelela inani lalaba bantu eselivele libhalisile ngabayizigidi ezimbili, ukuze bafinyelele inani labakade bevele bekhangelele ukulibhalisa lapho kusiya gqitshwa uhlelo elifika izigidi eziyisikhombisa zabantu. Uqonqosele uzulu weZimbabwe jikelele ukuthi asebenzise leli thuba eselivulekile ukuyabhalisela ukuthola ilungelo lokuvota.

please wait

No media source currently available

0:00 0:03:31 0:00

Facebook Forum

XS
SM
MD
LG