amalinks wokungena

Breaking News

Abakumsebenzi Wokwemba Bathi iBudget Ka2011 Kumele Yethule Izinqumo Zokwemba Amadayimana


Inhlanganiso ye Youth in Mining Council of Zimbabwe ithi umphathintambo wezemali uMnu. Tendai Biti nxa esethula ibudget ka 2011, kumele enze izinqumo ezijulileyo ezokwenjiwa kwamadayimana eMarange ezilakho ukuthuthukisa inotho yelizwe.

Omunye wabakukhomithi yenhlanganiso le uMnu. Buletsi Nyathi uthi uMnu. Biti ulomthwalo onzima njengoba ukwenjiwa kwamadayimana kusenziwa ngamankampani alobudlelwano lebandla le Zanu PF, amasotsha, amapholisa lamasela avela eZimbabwe lakwamanye amazwe.

UNyathi uthi nxa kungalungiswa ubudlwangudlwangu obuse Marange, amadayimana alakho ukuthuthukisa inotho yelizwe ngesikhatshana.

UNyathi utshele uGibbs Dube we Studio 7 ukuthi kumele uMnu. Biti athathe izinqumo ezizamisa ukutshontshwa kwamadayimana eMarange.

‚Äč
XS
SM
MD
LG