Ugatsha lukahulumende olubona ngezempilakahle luthi inani labantu asebehlaselwe ligcikwane leCOVID 19 elizweni selisedlula inkulungwane ezine lamakhulu amane 4451 labulala abayi 102. Lokhu kulandela ukuhlolwa kwabangamatshumi amahlanu lasithupha, abatholakale belaleligcikwane kanye lokubhubha kwabahlanu.
Igcikwane leli selihlasele abantu abedlula izigidi ezilitshumi lasitshiyagalolunye; 19 million, labulala abaphezu kwenkulungwane ezingamakhulu ayisikhombisa 700 thousand selokhu laqhamukayo ekuqaleni kwawonalo umnyaka.
Kusenjalo izibhedlela zikahulumende zithi uhlupho lokusilela kwabongi labongikazi ngenxa yokukhalala kwabo umsebenzi kuyaqhubeka ngesikhathi ilizwe libhekane lokumemetheka kwegcikwane lecovid 19.
UDokotela Xolani Ndlovu, isiphathamandla sesibhedlela seMpilo koBulawayo uthi ngempela abongi bayasilela kulesi isibhedlela lanxa odokotela bakhona, njalo unika izixwayiso ngegcikwane leCOVID 19.
