amalinks wokungena

Breaking News

Izifundi Ezimelele Ukuyaqalisa Imfundo Yaphezulu eMelika Zincedisa Kunhlelo Zabaswelayo


Izifundi ezithole uncedo lwemali yokuqhuba izifundo emakolitshini aphezulu kwele Melika ezilokhe zise Zimbabwe, sezincedisa abantwana abaphuma emhulini eziswelayo ekuqhubeni ihlelo zokuziphilisa.

Izifundi lezi lazo eziphuma emhulini ezingatholi kangako zithi ziyenza lokhu ngenxa yokuthi ziyabazi ubuhlungu bokuswela uncedo lapho ludingeka emilweni.

Omunye wezifundi lezi uMnu. Nigel Mevana utshele iStudio 7 ukuthi abanye bakhe basebenzelana lenhlanganiso zabantwana ezinjenge Zimbabwe Kids ese mzini we Pumula North le Chiedza Child Care Center esemzini we Mbare eHarare.

UMevana uthi bafundisa abantwana laba okutshiyeneyo kusukela kumfundo ephansi kusiya ku advanced level.

Bakhangele kakhulu labo abazabhala imihloliso ye Ordinary le Advanced Level lonyaka.

Uphinde wathi izifundi lezi ezisendaweni ezisabalale ilizwe lonke zincedisa abantwanta abadubekayo ngendlela ezitshiyeneyo.

UMevana ngomunye wabantwana abangamatshumi amathathu lanye abakhangelelwe ukuthi bazaqalisa izifundo zabo eMelika ngoNcwabakazi.

XS
SM
MD
LG