amalinks wokungena

Breaking News

Izifundi zePrimary leSecondary Zitshengisela eHarare Zikhonona Ngodaba Lwababalisi


Izifundi zePrimary leSecondary Zitshengisela eHarare

Izifundi zemfundo yePrimary le Secondary zifole zitshengisela ziqonde esigodlweni sogatsha lwezemfundo yesigaba sazo, ngoLwesihlanu, zikhuthaza uhulumende ukuthi alungisise udaba lwababalisi babuyele emsebenzini.

Abafundi laba bebekhala njalo ngokuthi imihloliso abamele bayibhale ekupheleni komnyaka idluliselwe phambili njengoba kungela vele abakufundileyo lonyaka, nanku phela ababalisi bengabuyanga emsebenzini ekuvulweni kwezikolo ngoMpandula kuze kube manje.

zifundi zePrimary leSecondary Zitshengisela eHarare
zifundi zePrimary leSecondary Zitshengisela eHarare

Lezi zifundi zithi ukutshengisela kwangoLwesihlanu kuza ngemva kokuba sebeke basa incwadi zezikhalazo ezedlula amatshumi amabili ( 22 ), kulogatsha, kusukela ngiviki yakuqala zivulwa izikolo. Lokhu kwenzakale ngemva kokuba izifundi ilizwe lonke jikelele zikhalaze kunkokheli yedale lephalamende labasakhulayo, i-Junior Parliament kanye lequla elimela lezi zifundi ilizwe lonke ele Students Body.

Umlawuli wedale lephalamende labasakhulayo, uSpeaker the Junior Parliament, uChristopher Jaiden Mutasa uchasisa kabanzi ngokubenze bathathe inyathelo lokutshengisela ngoLwesihlanu.

zifundi zePrimary leSecondary Zitshengisela eHarare
zifundi zePrimary leSecondary Zitshengisela eHarare

“Sifuna ababalisi bethu babuyele emsebenzini, kumele kube lokukhulumisana ukuze babuyele emsebenzini. Sesibona izehlakalo zokuganga esezisenziwa ngabantwana lapha ezikolweni okulakho ukungenisa abantwana engozini enkulu. Kungakho sikhayakhalaza kuhulumende njalo sikhalaza lakumongameli welizwe umnumzana E.D Mnangagwa yena ohlezi esithi ilizwi labantu lilizwi likaNkulunkulu.”

Isikhulumeli senhlanganiso yababalisi abasebenzela emaphandleni eye Amalgamated Rural Teachers Union – ARTUZ umnumzana Nation Mudzitirwa uthi okukhalazwa ngabantwana, yikho kanye abahlezi bezama ukukubonisa umqhatshi.

“Abantwana laba ma bengafundi kutsho ukuthi laye uhulumende uyehluleka ukuprovider i mandate yakhe yokufundisa abantwana elizweni leZimbabwe ngoba akula ababalisi ezikolweni. Uhulumende kumele aholise ababalisi imali eyeneleyo ukuze abantwana bafunde ezikolweni, yena uhulumende ayenze umsebenzi wakhe wokuprovider leyo basic education. So, siyabasekela abantwana laba, nxa befuna kube lama permanent solutions ku crisis yona le ekhona. Kodwa i permanent solution ngeyokuthi uhulumende aholise ababalisi imali eyanelayo, abayifunayo, iUSD$520 ukwenzela ukuthi babuyele emsebenzini.”

Ingcwethi ecubungula ezombusazwe lenhlalakahle kazulu, umnumzana Tjenesani Ntungakwa uthi lanxa elincoma inyathelo elithethwe yizifundi kunengi okusadingakala ukuxazulula udaba lwababalisi.

zifundi zePrimary leSecondary Zitshengisela eHarare
zifundi zePrimary leSecondary Zitshengisela eHarare

“ Yena uhulumende labo abazali kumele benanzelele ukuthi sekufunakala labo inhlanganiso engabe ihlanganisa ilizwe lonke. Ebambanisa abazali, ababalisi labantwana besikolo ukwenzela ukuthi ma bekhuluma kuhulumende kube yilizwi elizwakalayo, ilizwi eliqondileyo. Asingeke sasola ukuthi abantwana babona bengakalungiseleli ukuthi babhale amazamanitshini lawa akhulunywayo, lelo liqiniso. Kodwa ke liqiniso lalo njalo ukuthi uhulumende laye usebafinyile. Uhulumende kwangani akaselandaba labantwana kanti khona silungiselela ukuti yibo abazaba zinkokheli zakusasa.”

Kodwa umqondisi kwezokukhulumisana lozulu kugatsha lwezemfundo yePrimary leSecondary umnumzana Blessing Taungana Ndoro uthi kabalaqiniso lokuba abatshengisele namhlanje ngabamela izikhalazo zezifundi ilizwe lonke okugoqela ukudluliselwa phambili kwemihloliso lodaba lwababalisi.

“Ngizwa kuthiwa bekulezifundi eziyincosana nje ezibuye lencwadi yezikhalazo kodwa kabazange bavunyelwe ukungena phakathi. Angazi ukuthi ibi mumetheni leyoncwadi yezikhalazo.”

Kodwa izifundi zithi zizoqhubeka zitshengisela maviki onke ngoLwesihlanu uhulumende aze azilalele izikhalazo zabo walungisisa abakhala ngakho.

Udaba lokutshengisela kwezifundi zePrimary leSecondary, eHarare siluphiwa nguMavis Gama
please wait

No media source currently available

0:00 0:04:05 0:00

Facebook Forum

XS
SM
MD
LG