amalinks wokungena

Breaking News

Izihambi Ezithwele Inhlabathi Lamathambo Abafileyo Zithe Gwaqa eMatobo


Abantu abalikhulu abathwele inhlabathi yamangcwaba kanye lamathambo alabo ababekubandla le Zanu-PF abafa ngesikhathi sempi yenkululeko eMozambique babikwa bebuthene eMatobo National Park esabelweni se Matabeleland South lapho abenza khona imikhuba engaqedakaliyo osokuthukuthelise izakhamizi eziseduzane laleyo ndawo.

Umnu. Peter Zwide Kalanga Khumalo owendlini yesikhosini njalo oyingcwethi kwezamasiko esintu utshele iStudio 7 ukuthi abantu laba babikwa bephethe njalo lamatshe abawathethe emagcwabeni alapho okwafela abantu abanengi eMozambique ilizwe lisadinga uzibuse.

Umnu. Khumalo uthi izenzo zabantu laba, inengi labo abagqoke izembatho ezimhlophe njalo labanye abagqize baphelela, sezitshiye uzulu ethithibele.

Uthi sokudingwa imzamo yokukhulumisana lohulumende ngaloludaba olukhanya uzulu esesithi luvala izulu njengoba beduzane le Njelele lapho okucelwa khona izulu minyaka yonke.

XS
SM
MD
LG