Izijeziso Azesulwe Kodwa Uhulumende Laye Kahloniphe Amalungelo, Kutsho Isithunywa seUN

Isithunywa seUnited Nations ebesiseZimbabwe ukuzephenya umthethela wezijeziso zenotho ezetheswa amalunga eZanu PF, uNkosikazi Alena Douhan, usekhuthaze eleMelika leleBhilithani ukuthi esule izijeziso lezi ngoba esithi zilimaza uzulu makhaza.

Kumbiko owethulwe yihofisi yakhe, uDouhan ukhuthaze njalo uhulumende ukuthi asungule ukukhulumisana okuqotho ukuze kulungisiswe okuhluphayo kwezombusazwe, kuhlonitshwe amalungelo oluntu njalo lomthetho ulandelwe ngemfanelo.

UNkosikazi Dauhan uthe njalo izijeziso lezi kumele zesulwe ngoba zisenza kube lenkohlakalo elizweni.

Kodwa eleMelika lithi izijeziso lezi zizaqhubeka zikhona uhulumende kaMongameli Emmerson Mnangagwa aze ehloniphe amalungelo njalo aqede inkohlakalo.

Ocubungula ezombusazwe uMnu Mbuso Fuzwayo uthi lanxa engavumelani loDouhan kudaba lwezijeziso, uyavumelana laye kudaba lokuthi amalungelo kumele ehlonitshwe.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:22 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Isikhulumeli seZanu PF uMnu Mike Bimha utshele iStudio 7 ukuthi bayathokoza kakhulu ngalumbiko kuthi iMDC Alliance yona ithi kuyayijabulisa ukuba uDouhan utshele ibandla elibusayo ukuthi lekele ukucatsha ngezijeziso lezi.