Abadala abalabantwana abasezikolo bakhala ngokukhuphuka kwempahla yesikolo.
Bethule lokhu ngesikhathi bebhodabhoda labantwana babo bedinga izembatho zezikolo, ingwalo lokunye okusetshenziswa ngabantwana.
Inengi labazali basedolobheni leHarare abakade bebhoda labantwababo ukudinga leyo mpahla loba nje izikolo zivulwe Ngolwesibili, liveze ukukhathazeka ngesimo esikhona elizweni.
Omunye wabo kunguMnu. Charles Nyoni obekhanya ekhathazekile kakhulu.
UNyoni uthe bekuzakuba ngcono ngabe abazali bakhulumisane labaqhatshi baphiwa izikwelede zokuthenga impahla etshiyeneyo yabantwana besikolo.
Abanengi abangenelisi ukuthenga impahla ngabathenga bethengisa impahla etshiyeneyo.
UMnu. Peter Siziba, isakhamusi selokitshini leKuwadzana eHarare, ngomunye walabo abakhala okumangalisayo.
Uthi kunzima ukudinga imali yokuhambisa abantwana esikolo ngenxa yokuswelakala kwemisebenzi lemali.
Uthi banengi kakhulu abazali abehluleka ukuthola imali yokufundisa abantwana.
Banengi abantwana abaxotshwa ezikolo ngenxa yokwehluleka ukuhlawula imali yemfundo.
