amalinks wokungena

Breaking News

Izikwelede Ezesabekayo Zincitshisa EleZimbabwe Imali ye African Development Bank


Umnu. Tendai Biti umphathintambo obona ngezemali uthi ele Zimbabwe kalisoze lithole lutho kumabillion angamatshumi amathathu amadola eMelika-US430billion, ezanikwa amazwe awezwekazi leAfrica libhanga elikhulu lala mazwe ele African Development Bank.

U Biti uthi kuzwisa ubuhlungu ukuthi ele Zimbabwe kalisoze liyinuke lakancance leyo mali njengoba lilezikwelede zaleli bhanga, inhlanganiso ye International Monetary Fund kanye le World Bank.

U Biti uthi kumele amabandla akuhulumende womanyano adonse ndawonye ukwenzela ukuthi kubhadalwe izikwelede lezi.

Uphinde wathi nxa kungabhadalwa lezizikwelede, iZimbabwe ilakho ukuthuthukisa inotho yayo ngesilinganiso sokungamatshumi amabili ekhulwini-20%.

Uthi njalo uzazama ngamandla wonke ukuthi alungisise loludaba lwezikwelede ngeviki ezayo lapho azakwethula isimo senotho yelizwe lamaqhinga angathathwa ukuthuthukisa inotho ye Zimbabwe.

Umnu. Themba Dlodlo ingcwethi ecubungula ezombusazwe utshele uGibbs Dube we Studio 7 ukuthi kunzima ukuthi amabhanga emazweni anike iZimbabwe izikwelede njengoba lelilizwe lisehluleka ukubhadala izikwelede ezenziwa libandla le Zanu PF lisabusa lodwa.

‚Äč
XS
SM
MD
LG