amalinks wokungena

Breaking News

Iziphathamandla zeZANU PF Sezifuna Ukuthatha Inkampani ye Zimplats


Ezinye iziphathamandla zebandla le ZANU PF ezikudale lePolitburo leCentral Committee eMashonaland West kanye labanye osomabhizimusi abakunhlanganiso ekhangelane lokuthuthukisa inotho yabensundu iAffirmative Action Group (AAG), sebethwalise nzima inkampani ye Zimbabwe Platinum Holdings abafuna ukuyithatha ngenkani bengabhadalanga lutho.

Omunye walaba bantu uMnu. Bright Matonga owaye yisiphathamandla sikakhulumende ubikwa esebumbe inkampani labanye bakhe abaku ZANU PF, induna kanye lezakhamizi ukwenzela ukuthatha amashares ayedlula amatshumi amahlanu eZimplats.

UMatonga ubikwa ebambisana lomphathintambo wezemadolobho uMnu. Ignatius Chombo, umphathintambo wezokukhitshwa kwembiko uMnu. Webster Shamu labanye abakubandla le ZANU PF kuleso sabelo.

Labosomabhizimusi abaku AAG bafuna ukuthatha amashares eZimplats kusetshenziswa uhlelo lweIndigenization kodwa kungabhadalwa lutho.

Ingcwethi kwezenotho uMnu. Bekithemba Mhlanga uthi okwenzakala eZimplats kutshengisa ukuthi uhlelo lwe indigenization ngolwabantu abakubandla le ZANU PF.

XS
SM
MD
LG