amalinks wokungena

Breaking News

Iziphathamandla zeZBC Ziyaxotshwa


Jonathan Moyo

Izisebenzi zalinkampani zicele uMoyo ukuthi alungisise udaba lwalumsakazo kunyanga ezimbili ezedluleyo.

Umphathintambo wezokwethulwa kwemibiko uMnu. Jonathan Moyo uxotshe iBoard ye ZBC yonke wasusa lomqondisi walinkampani, uMnu. Happison Muchechetere ngoLwesine esithi ufuna ukulungisisa lumsakazo.

Izisebenzi zalinkampani zicele uMoyo ukuthi alungisise udaba lwalumsakazo kunyanga ezimbili ezedluleyo. UMoyo utshele intathelizindaba ngoLwesine ukuthi uphe iziphathamandla zalumsakazo isikhathi sokuthi zilungisise okuhluphayo zacela amaviki amabili ukuthi zimuphe ugwalo olutshengisa indlela engaphathisa linkampani ukuthi isebenze ngcono kodwa lokhu akwenzakalanga.

Kulembiko ethi iziphathamandla zeZBC zihlezi kuhle njalo zithola iholo eliphezulu kakhulu izisebenzi zona zingatholi lutho njalo zihlala inyanga ezinengi zingaholanga.

Ezinye ingcwethi zithi inyathelo likaMoyo lingabe liphathelane lokudonselana okukhona phakathi kwamaxuku eZanu PF.

Kodwa ingcwethi kwezokwethulwa kwemibiko, uMnu. Nhlanhla Ngwenya, ongumkhokheli njalo wenhlanganiso ye MISA Zimbabwe utshele iStudio 7 ukuthi inyathelo likaMoyo lijonge nje ukulungisisa inhlupho ebesezihlasele umsakazo we ZBC.
XS
SM
MD
LG