amalinks wokungena

Breaking News

Iziphathamandla Zikahulumende Seziphiwe Inyanga Eyodwa Ukuthi Ziveze Inotho Yazo


UMnu. Constantino Chiwenga ulenotho eyasebekayo.

Umongameli Emmerson Mnangagwa usephe abaphathintambo bakahulumende inyanga eyodwa ukuthi bazise uhulumende inotho abalayo.

Abaphathintambo laba babalisa abaphathintambo, abasekeli babo, osibalukhulu bengatsha zikahulumende, abaphathi bamankampani kahulumende, ama parastatals lenkokheli zama board atshiyeneyo.

Lanxa lelinyathelo lake lathathwa nguhulumende kaMnu. Robert Mugabe alizangwe lilandelwe.

Kodwa kumbiko owethulwe ngusibalukhulu wekhabhinet, uMnu. Misheck Sibanda, uthi lelinyathelo kumele lifezwe njengendlela yokuveza ukubaluleka kukahulumende kaMnangagwa ofuna konke kuvezwe ukuze kungabi lenkohlakalo.

USibanda uthi iziphathamandla kuzamele zazise nxa zilenotho efana lezakhiwo edlula intengo yamadola azinlungwane ezilikhulu, i$100 000.

Iziphathamandla kuzamela zilobe uluhlu lwenotho beselifaka phakathi kwemvulophu ezathunyelwa kuSibanda.

Amabandla aphikisayo athi azakholwa nxa lelinyathelo lingafezwa njengoba kwake kwehlula.

Umkhokheli we Transform Zimbabwe, uMnu. Jacob Ngarivhume uthi kumele uMongameli Emmerson Mnagagwa azise uzulu ngenotho yakhe kuqala.

UNgarivhume uthi: “Kumele aveze inotho yakhe ebalisa imigodi yegolide eKwekwe, aphinde asazise ukuthi ulezakhiwo ezingaki yikho sizamlalela ukuthi uqinisile.

Inotho yabasekeli bakaMnangagwa, uMnu. Constantion Chiwenga loMnu. Kembo Muhadi yavezwa ngumthethwandaba ngesikhathi ababili laba besehlukana labomkabo.

UChiwenga ulenotho eyesabekayo ebalisa amankampani lezakhiwo kunye lemota ezimbalwa. Kuthi uMohadi yena ulamapulazi lamahotela kunye lenkomo ezingamakhulu amahlanu.

Abanye ngabathi uMnangagwa kabe nguye umqalisiziba aveze inotho yakhe. Sixoxe lengcwethi ecubungula ezombusazwe, uMnu. Nkululeko Sibanda ukuze sizwe imbono yakhe ngaloludaba.

please wait

No media source currently available

0:00 0:03:18 0:00

Facebook Forum

XS
SM
MD
LG