Iziphathamandla zikahulumende womanyano, ezigoqela abaphathintambo zibikwa zisebenzise izigidi ezingamatshumi phose amathathu zamadola eMelika ($28 million) besethekelela amazwe atshiyeneyo kusukela ekubumbeni uhulumende womanyano libandla le Zanu PF lamacele womabili awe Movement for Democratic Change (MDC).
Imali le yingxenye ye zigidi ezilikhulu lamatshumi amabili lasithupha zamadola eMelika ($126 million) eyayifakwe eceleni isenzela ukusetshenziswa zingatsha zonke zikahulumende kusukela ngoNhlolanja kuze kuyefika ngoMpalakazi.
Ingcwethi ezicubungula ezombusazwe kanye lezenotho zithi imali le nga yasetshenziswa ukulungisa izibhedlela, imigwaqo lokunye nje okuhluphayo eZimbabwe kulokuthi isetshenziswe ukwethekelela amazwe okungalethanga inzuzo.
UMnumzana Sabelo Ndlovu Gatsheni ingcwethi ecubungula ezombusazwe utshele uGibbs Dube weStudio7 ukuthi uMnumnzana Tendai Biti umphathintambo wezemali kungamehlula ukuthi enqabele ukusetshenziswa butshapha kwemali kungatsha zikahulumende njengoba iziphathamandla zihola imali encane.
Iziphathamandla Zikahulumende Zisebenzisa iUS$30 million Zisethekelela Amanye Amazwe
- Gibbs Dube
