amalinks wokungena

Breaking News

Iziphathamandla Zikahulumende Ziba Lendleko yeUS$50 Million NgoMpandula Zisethekelela Emazweni


Umphathintambo wezemali uMnu. Tendai Biti uthi uMongameli Robert Mugabe, inhloko kahulumende uMnu. Morgan Tsvangirai lezinye iziphathamandla zikahulumende womanyano babe lendleko yezigidi ezingamatshumi amanhlanu zamadola ngenyanga ephelileyo besethekelela emazweni.

UBiti ubikwa etshele izakhamizi zeMasvingo ngoMvulo emhlanganweni wokuhlolisisa ibudget yomnyaka ozayo ukuthi iziphathamandla lezi kazifuni ukumlalela ngokuthi akumelanga zihambe emazweni okungapheliyo. Uthi njalo akalamandla wokwala ukuzinika imali yokwethekelela amanye amazwe.

Umongameli Mugabe ubese New York emhlanganweni wenhlanganiso yomanyano wamazwe womhlaba eye United Nations General Assembly kanye le Singapore esiyabona indodana yakhe ngenyanga edluleyo.

Waziwa ngokuhamba emazweni ele qula labantu abanengi okwamagama.

UTsvangirai laye wethekelele emazweni amanengi awezwekazi le Africa ngenyanga edluleyo waze wayafika lase Melika.

Isakhamuzi se Lupane uMnu. Malinga sithi okwenziwa yiziphathamandla lezi kwephula inhliziyo zikazulu.

Ingcwethi kwezenotho uMnu. Masimba Kuchera uthi iziphathamandla zikahulumende kumele zibone ukuthi nxa uMongameli Mugabe esiya kwamanye amazwe uhamba labantu abalutshwane.

XS
SM
MD
LG