amalinks wokungena

Breaking News

NRZ: Amapholisa Asusa Abakade Besalela eWestgate Compound koBulawayo


Inkampani ye National Railways of Zimbabwe ithi amapholisa esenelisile ukususa imuli zababeyizisenzi zalinkampani ezifika amatshumi amahlanu ezindlini eziseWestgate Compound koBulawayo ngoba zingela lungelo lokuqhubeka zihlala kulindawo.

Ababeyizisebenzi zeNRZ laba bathi inkampani le kufanele ibabhadale imali ephakathi kwenkulungwane ezilitshumi lezingamatshumi amathathu lanhlanu imuli inye ngayinye ngoba zazithenjiswe ukuthi zizathengiselwa lezizindlu, njengalokhu okweziwa yilinkampani endaweni zayo ezigoqela iTegela, iSizinda le Bellevue.

Kubikwa bekulokuxokozela kulindawo ngoLwesine amapholisa exotshanisana lemuli lezi ebezisala ukusuka kulindawo, kwaze kwabotshwa abantu abahlanu.

Isikhulumi seNRZ uMnu. Fanuel Masikati utshele uSithandekile Mhlanga weStudio 7 ukuthi inkampani yakhe ilandele umthetho lapho ixotsha imuli lezi ngoba kwakufanele zihlale inyanga ezintathu kuphela ngemva kokuphelelwa ngumsebenzi, kodwa ezinye sezahlala iminyaka edlula elitshumi.

XS
SM
MD
LG