Uhulumende uthi usezasungula umthetho ozakwenza ukuthi abaqatshi baphe abesilisa ikhefu elibhadalwayo lapho omkabo bebelethile.
Lokhu kuvezwe ngumsekeli kamphathintambo wezisebenzi, uMnu. Tapiwanashe Mashingaidze ngeviki edluleyo emhlanganweni lenhalgnaniso yabaqatshi iConfederation of Zimbabwe Industries eGweru.
UMashingaidze uthe akukabekwa isikhathi sokuthi lokhu kuzaqala nini ngoba kukunengi okuzamele kulungisiswe ngezemithetho kodwa wathi kungaba ekupheleni komnyaka.
Inhlanganiso yezebenzi, iZimbabwe Congress of Trade Unions ithi iyemukela lelinyathelo. Siqale ngokubuza umkhokheli walinhlanganiso, uMnu. George Nkiwane ukuthi balibona njani inyathelo leli?
Amanye amazwe, ikakhulu angentshonalanga avele ayapha ithuba lokuphumula kwabesilisa nxa umkabo ebelethile. Sibuze isakhamuzi sakoBulawayo, uNkosazana Stars Mathe Thebe ukuthi yena ulibona njani leli nyathelo.