amalinks wokungena

Breaking News

Izisebenzi eZimbabwe Phose Eziyi 3 000 Zilahlekelwa Ngumsebenzi


Ugatsha olubona ngezisebenzi luthi izisebenzi ezingaba phose inkulungwane ezinthathu zigunyulwe umsebenzi kusukela ngoZibandlela kusiyafika kuNhlangula lonyaka.

Umbiko owethulwe yilolugatsha uveza ukuthi izisebenzi ezinengi zilahlekelwe ngumsebenzi lonyaka ukwedlula ngomnyaka ophelileyo.

Ugatsha lolu luthi amabhanga yiwo alezisebenzi ezinengi ezilahlekelwe ngumsebenzi elandelwa ngamankampani athengisa izigqoko akhaliswa yimphahla etshiphileyo esithengiswa ezweni evela kwamanye amazwe.

Ingcwethi ezicubungula ezenotho zithi inani lezisebenzi ezigunyulweyo liyedlula leli elikhitshwe lugatsha lolu njengoba amanye amankampani egumula izisebenzi engazisanga ugatsha lwezisebenzi.

Ingcwethi lezi zithi okunye kubangelwa yikungaqondakali komthetho wohlelo lwe Indigenization kanye lokuswelakala kwemali yokuthuthukisa inotho.

Umnu. Japhet Moyo, umsekeli ka nobhala jikelele we Zimbabwe Congress of Trade Unions utshele uGibbs Dube we Studio 7 ukuthi ukugunyulwa kwezisebenzi sokuyinhlalayenza eZimbabwe.

‚Äč
XS
SM
MD
LG