amalinks wokungena

Breaking News

Izisebenzi Zikahulumende Sezifuna Ukukhalala Umsebenzi


Inhlanganiso emele izisebenzi zikahulumende kwezeholo iApex Council ithi isithethe isinqumo sokuthi kumele zonke izisebenzi zikahulumende zikhalale umsebenzi ngeviki ezayo nxa iholo lingakhuphulwanga ngoLwesibili.

Umnu. Sifiso Ndlovu umqondisi wenhlanganiso yababalisi eye Zimbabwe Teachers Association njalo oku Apex Council uthi isinqumo lesi sithethwe ngoLwesithathu ngemva komhlangano lomphathintambo wezisebenzi zikahulumende uNkosikazi Lucia Matibenga.

UNdlovu uthi uMatibenga wehluleke ukubapha impendulo ezwakalayo esithi akazi lutho ngemali enganikwa izisebenzi lonyaka.

UMatibenga ubikwa ecele ukuthi bamuphe insuku ezinhlanu zokudinga impendulo ezwakalayo.

Kodwa-ke iApex Council itshaye phansi ngenduku isithi sokumele izisebenzi zikhalale umsebenzi ukwenzela ukuthi labo abathola imali ephansi banikwe amakhulu edlula amahlanu amadola ngenyanga-$540.

Okwamanje izisebenzi lezi zithola amakhulu edlula amabili amadola-$253.

UNdlovu uthe zonke izisebenzi zikahulumende zikhangelelwe ukuthi zikhalale umsebenzi ngoLwesine ngeviki ezayo.

XS
SM
MD
LG