amalinks wokungena

Breaking News

Izisebenzi Zikahulumende Zicunulwa Ludaba Lweholo


Phansi kwesivumelwano esenziwe nguhulumende lezisebenzi zakhe isisebenzi esithola imali ephansi sesizathola amadola angamakhulu amathathu, $300.

Uhulumende uthi izisebenzi zakhe ezingakatholi iholo sezize zalithola ngoLwesine. Ezinye izisebenzi zikahulumende zithole iholo lazo elengezelelweyo ngeviki edluleyo, ikakhulu ezikubutho lasesipholiseni.

Phansi kwesivumelwano esenziwa nguhulumende lezisebenzi zakhe isisebenzi esithola imali ephansi sesizathola amadola angamakhulu amathathu, $300 njalo sekuzakhangelwa ukuba izisebenzi zifunde okunganani njalo zilesikhathi esinganani zisebenza.

Kodwa inhlanganiso eziphathisa ngoncedo lwemali, ezibalisa iWorld Bank le International Monetary Fund, zihlezi zicebisa uhulumende ukuthi agumule ezinye izisebenzi zakhe ukwenzela ukuthi umnotho welizwe uthuthuke.

Okunye njalo okwesatshelwa ukuba yikho okwenza umnotho welizwe uye nganxele ngamagama ezisebenzi ahola imali khona kungaziwa ukuthi ngobani, ama ghost workers ngesilungu.

Uhulumende wethule umbiko ngeviki edluleyo othi izisebenzi ezingakatholi iholo sezizathola ngoLwesine ngoba bekulekhefu le phasika.

Kodwa lokhu akuphathanga kahle izisebenzi ezinye esezicabangela ukuthi uhulumende kalamali yokuzibhadala.

Umgcinisihlalo wenhlanganiso ebona ngokukhulumisana kwezisebenzi zikahulumende lohulumende, i Apex Council, uMnu. Richard Gundane utshele iStudio 7 ukuthi izisbenzi sezithwelenzima ngokungazi ukuthi zizathola nini iholo lazo.
XS
SM
MD
LG