amalinks wokungena

Breaking News

Izisebenzi Zikahulumende Ziqhubekela Phambili Ngokukhalala Umsebenzi


Striking civil servants attending a rally in Harare.

Izisebenzi zikahulumende emadolobheni wonke lokhe ziqhubeka ngokukhulula amajogwe laloba uhulumende etshengisa ukuthi akalandaba lokuthi sezikhalale umsebenzi.

Umnumzana Jeremiah Bvirindi ongumsekeli ka sibalukhulu wenhlanganiso yezisebenzi iPublic Service Association, utshele iStudio 7 ukuthi inengi lalezizisebenzi ezikhalale umsebenzi zise Harare, Bulawayo, Gweru, Masvingo kanye le Mutare.

U Bvirindi uthi izisebenzi zikahulumende ezinengi ezingaba zinkulungwane ezilikhulu lamatshumi edlula ayisithupha (165 000) zizakhalala umsebenzi.

Kusenjalo, uMnu. Sifiso Ndlovu ongumqondisi weZimbabwe Teachers Association utshele uGibbs Dube weStudio 7 ukuthi izisebenzi zifuna ukubhadalwa ngenzuzo etholwa nguhulumende emsebenzini wokwenjwa lokuthengiswa kwama dayimana atholakala lula eZimbabwe.

Kudaba olufanayo, uMark Peter Nthambe ubika ukuthi ukukhalala umsebenzi kwezisebenzi zikahulumende kuphazamise umsebenzi wokunikeza abantu ingwalo zokuzalwa lezokuhambisa zama passport lakwezinye ingatsha zikahulumende.

Ababalisi ezikolweni ezinengi labo babikwa beqhubeka bengafundisi. Izikolo ezinengi zikhetha ukuthi abantwana beqhubekele phambili besezikolweni kulokubabuyisela ezindlini.

Inhlanganiso zabatsha zithi abatsha labo bayaphazanyiswa yikukhalala umsebenzi okunje njengabanye bonke abantu kuleli.

UMnu. Admire Zaya osebenzela inhlanganiso yabatsha yeBuild A Better Youth Zimbabwe uthe noma abatsha bephazamiseka ekutholeni izincwadi ezitshiyeneyo ezifunakalayo lasezifundweni bayalizwisisa inyathelo lezisebenzi zikahulumende njalo belisekela:

Izisebenzi zikahulumende zifuna ukwengezelelwa iholo ukuba lifike kumakhulu ayisithupha amadollar eMelika-us$600, kodwa-ke uhulumende uthi kalayo imali yokwengezelela iholo elinjalo.

‚Äč
XS
SM
MD
LG