amalinks wokungena

Breaking News

Uhulumende Uthembisa Ukunika Izisebenzi Ibhonasi Ngomnyaka Ozayo


Izisebenzi zikahulumende zitshengisela
Izisebenzi zikahulumende zitshengisela

Umbiko kahulumende wokuthi izisebenzi zizathola amabhonasi ngoMbimbitho ngomyaka ozayo usuwamukelwe ngokuthikaza ngezinye izisebenzi ezithi uhulumende uzama ukuzihuga ngemali le phambilini kokhetho lomnyaka ozayo.

Unobhala jikelele wenhlanganiso yezisebenzi, eye Zimbabwe Congress of Trade Unions, uMnu. Japhet Moyo, uthi izisebenzi zikahulumende bezivele zikhangelele ukuthi leliholo liyeza kodwa okungazakaliyo yikuthi uzenelisa yini ukubhadala ngesikhathi leso asikhulumileyo.

Ingcwethi ecubungula ezomnotho, uMnu. Masimba Kuchera, uthi uhulumende ukhanya ethembe ukuthola imali evela kumithelo ebhadalwa ekupheleni komnyaka.

Eyinye njalo ingcwethi ecubungula ezombusazwe, uMnu. Rejoice Ngwenya, uthi iholo lebhonasi lilakho ukungaphiwa izisebenzi ngesikhathi esikhulunywayo ngoba uhulumende efuna imali yokuqhuba ukhetho.

Inani lezisebenzi zikahulumende elikhangelele amabhonasi lifika inkulungwane ezingamakhulu amabili- 200 000. Izisebenzi lezi zithola imali efika izigidi ezilikhulu lamatshumi ayithoba munwe munye, $190 million ngenyanga.

please wait

No media source currently available

0:00 0:03:21 0:00

XS
SM
MD
LG