Izisebenzi zenkampani kaLoliwe ezikhalala umsbenzi zilala phandle kwamahofisi alinkampani eLochinvar eHarare sezincediswa ngabomkabo labo abazolala emahofisini la besithi bafuna iholo abangakaliphiwa kunyanga ezilitshumi lanhlanu ezedluleyo.
Izisebenzi ezizinkulungwane ezine zibikwa zingasayi emsebenzini osekumise ukuhamba izitimela ezithwala umumbu ozophathisa abalambayo.
Isikhulumeli sikaLoliwe, uMnu. Fanuel Masikati utshele iStudio Seven ukuthi inkampani kaLoliwe iphakatho kodubo lokusilela kwemali ngoba esemalutshwana amankampani asebenzisa izitimela ukuze linkampani ithole inzuzo yokubhadala indleko zayo ezigoqela ihole lezisebenzi.
Isiphathamandla senhlanganiso elwela ilungelo lezisebenzi iZimbabwe Amalgamated Railwaymen’s Union, uMnu. Kamurayi Moyo uthi kabasoze basuke emahofisini la nxa bengabhadalwanga iholo labo.
"Izisebenzi labantwababo belokhu bebuthene ngoba lapho abahlala khona o landlord kabasasizwisisi ngoba kusukela kudala silokhu silokhu sisipha ama excuse," kutsho uMoyo.
Uthi bonke abasebenza kuloliwe akbasayi emabhanga ngoba bengelamali esithi vele kabalali ngoba belendubo ezinengi.
