Izithunywa zikaMongameli Jacob Zuma weleSouth Africa lifike eHarare ngoLwesibili emini lahlangana labammeli bamabandla akuhulumende womanyano ngokuhluphayo, ikakhulu udaba lwesisekelo sombuso esitsha.
Lifika elizweni leliqula, umkhokheli welinye lamacele eMDC njalo eyinhloko kahulumende uMnu Morgan Tsvangirai ubesanda kwethula amazwi okuthi kasoze avume kufakwa inguquko efunwa yiZanu PF kugwalo lwesisekelo sombuso esitsha.
"Abakhokheli bamabandla akuhulumende abalalungelo lokutshela uzulu weZimbabwe ukuthi kumele abuswe njani," kutsho uTsvangirai ekhuluma ngesingisi emhlanganweni awenze lentathelizindaba eHarare phambilini kokufika kwequla likaZuma ngoLwesibili.
Uqhubeke wathi isisekelo esalotshwa yikomidi yedale lephalamende, iCopac, kumele sihanjiswe emphakathini sinjalo, abantu bazikhethele ku-referendum ukuthi bayasamukela yini kumbe hatshi.
Ibandla leZanu PF lithi alisamukeli lesisisekelo njalo lithi kulenhlamvu elifuna zisuswe kusisekelo lesi, ezigoqela umbuso wezabelo, idevolution, lokunye okunenginengi uzulu athi uyakusekela.
Iqula likaZuma lilande ukuzozama ukuxazulula ukudonselana phezu kodaba lwesisekelo lolu njalo ngezikhathi zantambama belihlangane labamela iZanu PF leMDC kunkulumo.
Omela icele leMDC elikhokhelwa nguMnu Welshman Ncube kunkulumo lezi, uMnu Moses Mzila Ndlovu - ongumeli njalo wesigaba seBulilima West edale lephalamende - utshele iStudio 7 ukuthi ibandla lakhe alikwamukeli okufunwa yiZanu PF.
Amacele womabili eMDC, esekelwa ngumanyano weSadc, athi kumele kuhanjwe kukhetho ngomnyaka ozayo sokulesisekelo sombuso esitsha.
Kodwa iZanu PF ithi okwesisekelo lesi kungehlula, ukhetho luzakwenziwa phansi kwesisekelo esisetshenziswayo kathesi eseLanchaster. Isisekelo lesi yiso esasungula ilizwe njalo sisolwa ngabanengi.
Ingcwethi ehlaziya ezombusazwe uMnu Brilliant Mhlanga utshele lumsakazo ukuthi okwenza ibandla leZanu PF lingafuni ukwamukela isisekelo esilotshwe yiCopac yikuthi senza kubelula ukuthi lisuswe embusweni.
Lifika elizweni leliqula, umkhokheli welinye lamacele eMDC njalo eyinhloko kahulumende uMnu Morgan Tsvangirai ubesanda kwethula amazwi okuthi kasoze avume kufakwa inguquko efunwa yiZanu PF kugwalo lwesisekelo sombuso esitsha.
"Abakhokheli bamabandla akuhulumende abalalungelo lokutshela uzulu weZimbabwe ukuthi kumele abuswe njani," kutsho uTsvangirai ekhuluma ngesingisi emhlanganweni awenze lentathelizindaba eHarare phambilini kokufika kwequla likaZuma ngoLwesibili.
Uqhubeke wathi isisekelo esalotshwa yikomidi yedale lephalamende, iCopac, kumele sihanjiswe emphakathini sinjalo, abantu bazikhethele ku-referendum ukuthi bayasamukela yini kumbe hatshi.
Ibandla leZanu PF lithi alisamukeli lesisisekelo njalo lithi kulenhlamvu elifuna zisuswe kusisekelo lesi, ezigoqela umbuso wezabelo, idevolution, lokunye okunenginengi uzulu athi uyakusekela.
Iqula likaZuma lilande ukuzozama ukuxazulula ukudonselana phezu kodaba lwesisekelo lolu njalo ngezikhathi zantambama belihlangane labamela iZanu PF leMDC kunkulumo.
Omela icele leMDC elikhokhelwa nguMnu Welshman Ncube kunkulumo lezi, uMnu Moses Mzila Ndlovu - ongumeli njalo wesigaba seBulilima West edale lephalamende - utshele iStudio 7 ukuthi ibandla lakhe alikwamukeli okufunwa yiZanu PF.
Amacele womabili eMDC, esekelwa ngumanyano weSadc, athi kumele kuhanjwe kukhetho ngomnyaka ozayo sokulesisekelo sombuso esitsha.
Kodwa iZanu PF ithi okwesisekelo lesi kungehlula, ukhetho luzakwenziwa phansi kwesisekelo esisetshenziswayo kathesi eseLanchaster. Isisekelo lesi yiso esasungula ilizwe njalo sisolwa ngabanengi.
Ingcwethi ehlaziya ezombusazwe uMnu Brilliant Mhlanga utshele lumsakazo ukuthi okwenza ibandla leZanu PF lingafuni ukwamukela isisekelo esilotshwe yiCopac yikuthi senza kubelula ukuthi lisuswe embusweni.