amalinks wokungena

Breaking News

Izitolo Zako OK Zimbabwe Zitshaya Imali Ejabulisa Abanikazi


Inkampani elezitolo ezinkulu ezithengisa ezifela emlonyeni lempahla etshiyeneyo iOK Zimbabwe ithi ithole inzuzo enkulu okwamagama kusukela ngombimbitho nyakenye kuze kuyefika ngesikhathi esifanayo lonyaka.

Esethula umbiko wesimo semali lenotho yenkampani le, umqondisi wayo uMnu. David Lake uthi iOK Zimbabwe ithole izigidi ezedlula amakhulu amabili lamatshumi amahlanu amadola eMelika ngesikhathi lesi ikanti-ke yayithole phose izigidi ezingaphansi kwamakhulu amabili amadola eMelika ngomnyaka ophelileyo.

ULake uthi loba uzulu engalamali yokuthenga impahla enengi, uzame ngamandla ukuthi athenge impahla yako OK Zimbabwe njalo kukhanya engani banengi abantu abazathenga ezitolo lezi lonyaka.

Uphinde wathi ukuswelakala komlilo kagetsi kanye lokwehlisa intengo ukwenzela ukuthi uzulu enelisa ukuthenga impahla etshiyeneyo kwenze ukuthi iOK Zimbabwe isadalale ekudingeni imali.

Ingcwethi kwezenotho uMnu. Masimba Kuchera uthi uzulu uthwele nzima ngokuphanda imali yokuthenga impahla eyako OK Zimbabwe lakwezinye izitolo.

Umqondisi we Bulawayo Progressive Residents Association uMnu. Roderick Fayayo uthi iOK Zimbabwe kumele iphe uzulu ingcosana yalokho ekuthola emphakathini.

XS
SM
MD
LG