amalinks wokungena

Izivumelwano ze Zimbabwe le South Africa Zizaphumelela Na?

  • Chris Gande

UMongameli Jacob Zuma loMongameli Robert Mugabe

Inkulumo zokukhuthaza ukusesbenzelana kwe Zimbabwe le South Africa, eze South Africa-Zimbabwe Bi-National Commission ziqale ngoLwesibili.

Kambe zilakho ukuphathisa ekuthuthukiseni umnotho welizwe?

Lo ngumbuzo abanye abazibuza wona ngesikhathi uMongameli Robert Mugabe ekhulumisana loMongameli Jacob Zuma wase South Africa labaphathintambo babohulumende babo.

Umphathintambo wezokuthwala impahla lokunye okutshiyeneyo, uMnu. Joram Gumbo, uthi lezinkulumo ziphathe kabanzi udaba lomngcele we Beitbridge.

Uhlelo lwe Bi-National Commission lwaqala ngomnyaka ka 2015 lwaphawulwa okusemthethweni nyakenye.

Kowda ingcwethi ecubungula ezombusazwe, uMnu. Zenzo Nkomo, uthi kunengi okuzakhulunywa ngomongameli laba.

Usomabhizimusi, uMnu. Anglistone Sibanda, uthi inkulumo lezi kazisoze zilethe mehluko kumpilo kazulu weZimbabwe.

UNkomo uthi ngaphandle kwezamabhizimusi lamacebo okuthuthukisa umnotho wamazwe womabili ngobudlelwano zikhona ezinye indaba ezizamele zikhulunywe ngazo zingelani lezomnotho.

Ingcwethi zomnotho zithi ele Zimbabwe kumele lamukele ukusetshenziswa kwe Rand le South Africa ukuze udubo lokusilela kwemali emabhanga luphele. Kodwa uhulumende kafuni ukuthatha leli nyathelo.

Facebook Forum

XS
SM
MD
LG