amalinks wokungena

Breaking News

Izizalwane Zakwamanye Amazwe Ezihlala Kwele South Africa Sezihlalela Evalweni


Izizalwane zakwamanye amazwe agoqela eleZimbabwe ezihlala kweleSouth Africa sezibopha imitshaqana yazo zibuyela kwazo zisesabela ukuvuka kodlakela lwenkethabetshabi.

Izizalwane zeSouth Africa zithembise ukuxotsha ezakwamanye amazwe ngemva kokuphela kwemidlalo yeFIFA World cup. Izizatho zingezokuthi izizalwane zakwamanye amazwe zithathela ezeSouth Africa imisebenzi.

Imibiko ephume ngolweSibili ithi kulesizalwane seGhana esibuleweyo eWestern Cape. Kulemibiko njalo ethi UBishop Paul Verryn owe Central Methodist Church eJohannesburg, ogcina iziphepheli uthi wemukele imibiko yokumethusela ivela kuzizalwane zakwele South Africa.

Abamahofisi eMDC labo bathi sebemukele incingo ezivela kuzizalwane zeZimbabwe ezesabela impilo yazo. Eminye imibiko ithi abasakhulayo beSouth Africa sebeqalisile ukubhidliza lokuthumba impahla kwezinye izitolo zabakwamanye amazwe, amapholisa ekhangele, kodwa engenzi lutho.

UBrenda Moyo weStudio 7 uxhume igqwetha elilwela ilungelo loluntu uNkosazana Annah Moyo othi uhulumende weSouth Africa usethule imibiko yokukhuthaza izizalwane zakulelo lizwe ukuthi zitshiyane lodaba lodlakela.

‚Äč
XS
SM
MD
LG