amalinks wokungena

Izizalwane ze Zimbabwe EziseBhilithane Zizondiswa Yizenzo zikaMongameli we Zambia

  • Gibbs Dube

Amalunga enhlanganiso ekhuthaza umbuso okhululekileyo kwele Zimbabwe iZimVigil angene ezitaladini zeLondon ngoLwesithathu etshengisela ukungathakazeleli ubudlelwano bukaMongameli Michael Sata we Zambia loMongameli Robert Mugabe.

Umnu. Dumisani Tutani umqoqi wenhlelo ze Zimvigil utshele uGibbs Dube owe Studio 7 ukuthi sebediniwe ngoMnu. Sata okhanya eyisikhothamathe sikaMugabe.

UTutani uthe okubatshaye inhliziyo yikuthi watshaya islogan se Zanu PF kuvulwa umbukiso wezamabhizimusi omkhulu wako Bulawayo owe Trade Fair waphinda njalo ngeviki ephelileyo kwele Angola watshengisa ukuthi uyazithanda izenzo zika Mugabe.

Abakade betshengisela laba babikwa bebethwele umthanyelo obumele unikwe iziphathamandla ze wofisi yabammeli be Zambia eBhilithani, ukwenzela ukuthi bawunike uSata okweleBhilithane sikhulumanje, lapho aze emkhosini wokunanza iminyaka engamatshumi ayisithupha indlovukazi uQueen Elizabeth owesibili esebukhosini.

XS
SM
MD
LG